Иранын хариҹи ишләр назири Һүсејн Әмир-Абдоллаһиан шәнбә ҝүнү Һаванада Куба рәсмиләри илә ҝөрүшләринин давамында бу өлкәнин баш назиринин мүавини Рикардо Кабрисас Руиз илә ҝөрүшүб.
Әмир Абдуллаһиан бу ҝөрүшдә Кубанын президенти вә хариҹи ишләр назири илә кечирдији ҝөрүшләрә тохунараг, дејиб: "Куба президенти илә јахшы данышыглар апардыг вә һәмкарым (Кубанын хариҹи ишләр назири) илә бүтүн деталлары мүзакирә етдик".
Әмир Абдуллаһиан Иран һөкумәтинин Латын Америкасына, хүсусән дә гардаш вә дост өлкә Кубаја хүсуси диггәт јетирдијини вурғулајыб.
О, әлавә едиб: "Иран вә Куба сијаси мүстәгиллик үчүн ағыр бәдәл өдәјибләр вә мүстәгиллијин горунмасы бизим үчүн чох ваҹибдир".
Куба баш назиринин мүавини өз нөвбәсиндә дејиб: "Бу ҝүн галдырдығымыз мәсәләләр һаггында бир нечә илдир ки, данышырыг".
О, Иран хариҹи ишләр назиринин Һаванаја сәфәринин ики өлкә арасында мүнасибәтләрин мөһкәмләнмәси үчүн дөнүш нөгтәси олаҹағына үмид етдијини билдириб.
Шәнбә ҝүнү Иранын хариҹи ишләр назири Һүсејн Әмир Абдуллаһијан јүксәк сәвијјәли нүмајәндә һејәтинин башчылығы илә Һаванаја ҝҝедәрәк, бу өлкә президент вә хариҹи ишләр назири илә ҝөрүшүб.
342/
