Полша Сәрһәд Мүһафизәси өз Твиттер сәһифәсиндә билдириб ки, өтән ил февралын 24-дә Русија-Украјна мүһарибәси башлајандан бәри гоншу Полша илә сәрһәди кечән украјналыларын сајы 9 милјону өтүб.
Мәлуматда билдирилиб ки, мүһарибә бөјүк мигрант ахынына сәбәб олуб вә Полшаја кечән украјналы гачгынларын үмуми сајы 9 милјон 74 мин нәфәрә чатыб.
Мәлуматда әлавә едилиб ки, тәкҹә дүнән Украјнадан Полшаја 29 мин 900 нәфәр ҝәлиб.
Статистик мәлуматда о, да билдирилиб ки, Полша Сәрһәд Мүһафизәсинин мәлуматына ҝөрә, бу мүддәт әрзиндә тәхминән 7,25 милјон украјналы Полшаны тәрк едиб вә һазырда гејдә алынмыш украјналы гачгынларын сајы тәхминән 1,5 милјон тәшкил едир.
Игтисади Әмәкдашлыг вә Инкишаф Тәшкилатынын (ОЕҸД) мәлуматына ҝөрә, Полша 2022-ҹи илдә украјналылар үчүн мәнзил, сәһијјә вә диҝәр хидмәтләрә 8,36 милјард авро (8,98 милјард доллар) хәрҹләјиб ки, бу да үзв өлкәләр арасында ән јүксәк мәбләғдир.
342/
