АБШ Конгресинин Ермәни Групунун һәмсәдрләри Азәрбајҹан тәрәфиндән Дағлыг Гарабағын блокадасына сон гојулмасыны тәләб едән гәтнамә лајиһәсини дөвријјәјә бурахыблар.
Гәтнамә лајиһәсиндә Азәрбајҹанын һәрәкәтләрини гәти шәкилдә писләмәклә јанашы, АБШ-ын вәзијјәти һәлл етмәк үчүн едә биләҹәји бир сыра мүәјјән тәдбирләр дә өз әксини тапыб. Хүсусилә бу аддымлары тәклиф олунур:
Азәрбајҹанын – лајиһәдә дејилдијинә ҝөрә - төрәтдији һәрби ҹинајәтләрин бејнәлхалг арашыдырлмасына көмәк етмәк;
Лачын дәһлизиндә бејнәлхалг мүшаһидәчиләрин јерләшдирилмәси истигамәтиндә бејнәлхалг тәрәфдашларла әмәкдашлыг;
АБШ-нин Азәрбајҹана верији һәрби вә тәһлүкәсизлик јардымын дајандырылмасы;
Азәрбајҹан мәмурларына гаршы ганунла нәзәрдә тутулмуш санксијалар тәтбиг етмәк;
Гарабағда һуманитар бөһрандан зәрәр чәкмиш әһалијә јардым ҝөстәрмәк, о ҹүмләдән Дағлыг Гарабағда Бирләшмиш Штатларын Бејнәлхалг Инкишаф Аҝентлијинин офиси ачмаг;
Гәтнамә лајиһәсини һазырлајан конгресмен Франк Паллоне АБШ конгресменләринә јаздығы мәктубда онлары гәтнамә лајиһәсинин ирәли сүрүлмәсинә дәстәк етмәјә чағырыб. О вурғулајыб: “Әлијев режими јерли ермәни әһалисини Артсахдан чыхармаг вә онлары өз доғма торпагларында азад, ләјагәтли вә демократик јашамаг имканындан мәһрум етмәк үчүн дүшүнүлмүш аддымлар атыр. Бу, етник тәмизләмәнин бариз әламәтидир вә биз ону ҝөзарды едә билмәрик”.
Паллоне һәмчинин Бирләшмиш Штатлары дәрһал һәрәкәтә кечмәјә вә дәһлизин ачылмасы үчүн бүтүн мөвҹуд дипломатик васитәләрдән истифадә етмәјә чағырыб.
342/
