Һүсејн Әмир-Абдуллаһијан Ливана дахил одугдан сонра кечирдији мәтбуат конфрансында дејиб ки, Иран Ислам Республикасы Ливанын халгы вә һөкумәтинә, һәмчинин бу өлкәдәки мүгавимәтә олан дәстәкләрини гүдрәтлә давам етдирәҹәк.
Иран хариҹи ишләр назири билдириб ки, Ливан хариҹи ишләр назиринин дәвәти илә баш тутан бу сәфәр сон Фәләстин һадисәләри барәдә мәшвәрәт дә дахил олмагла икитәрәфли, реҝионал вә бејнәлхалг мәсләһәтләшмәләр мәгсәдилә һәјата кечирилир.
Әмир-Абдуллаһијан сонра дејиб: Шүбһә етмирик ки, Ливандакы мүхтәлиф сијаси ҹәрәјанлар һәр һансы хариҹи мүдахилә олмадан вә ләјгәтлә өз президентләрини тәјин етмәјә гадир олаҹаглар.
Иран хариҹи ишләр назири Ливандакы бүтүн сијаси ҹәрәјанлары диалог вә разылашма јолу илә президентин сечилмәси вә сијаси просесин тәкмилләшдирилмәсини һәјата кечирмәјә чағырыб.
Өз ливанлы һәмкары вә Ливанын диҝәр јүксәк вәзифәли рәсмиләрилә ҝөрүш вә диалог, Иран хариҹи ишләр назиринин сәфәр програмына дахилдир. Бу ҝөрүшләр заманы икитәрәфли, реҝионал вә бејнәлхалг саһәләрдә ики өлкәни марагландыран мәсәләләр әтрафында фикир мүбадиләси апарылаҹаг.
342/
