Калын декабрын 28-дә Москвада мүдафиә назирләри сәвијјәсиндә кечирилән үчтәрәфли ҝөрүшү мүсбәт адландырыб.
“Гачгынларын ҝери гајтарылмасы вә көчкүн суријалылара һуманист рәфтар үчүн аддымлар атылмасыны истәјирик. Тәбии ки, биринҹи ҝөрүшдә бунларын һамысынын һәллини ҝөзләмәк олмаз, бу, мәрһәләли просесдир. 11 илдә илк дәфә бу мәсәләләрлә бағлы әлагәмиз олду”, - дејә Калын билдириб.
Ибраһим Калын Түркијә Президенти илә Сурија президентинин ҝөрүшүнә дә мүнасибәт билдириб. О бунун үчүн мүәјјән едилмиш графикин олмадығыны дејиб.
“Ола билсин ки, мүдафиә назиринин вә кәшфијјат рәһбәримизин кечирдији ҝөрүшүн давамы кими һансыса ҝөрүшләр олсун. Һәр ики өлкәнин хариҹи ишләр назиринин ҝөрүшү олаҹаг. Амма вахт бәлли дејил. Данышыглар президентләр сәвијјәсинә чатана гәдәр һәлә чох иш ҝөрүлмәлидир. Бу ҝүн һеч нә дејә билмәрәм. Гаршыдакы үч ајда, алты ајда олаҹаг, ја јох... Һәләлик буну демәк тездир. Бу, просесин ҝедишиндән асылыдыр, - дејә Калын билдириб.
Сон ҝүнләр Реутерс аҝентлији үч фәргли мәнбәјә истинадла јазыр ки, Сурија президенти Бәшар Әсәд түркијәли һәмкарынын ҝөрүш истәјини рәдд едиб.
Р.Т.Әрдоған дәфәләрлә Бәшар Әсәдлә ҝөрүшмәк истәдијини, сијасәтдә “күсүлүлүк олмаз” дејиб.
Бәзи түркијәли аналитикләрә ҝөрә Игтисади бөһран јашајан Түркијәдә сечкиләр јахынлашыр вә Әрдоған Бәшар Әсәдлә ҝөрүшүб, суријалы мигрантларын Түркијәдән ҝери ҝөндәрилмәсини нијјәт едир.
2023-ҹү ил сечкиләри үчүн мүхалифәтын ваһид намизәд ирәли сүрмәклә гәләбә чала биләҹәјиндән еһтијатланан Әрдоғанын Әсәддән рәдд ҹавабы алмасы ону чәтин вәзијјәтдә гојур.
342/
