Ислам Ингилабынын Алимәгамлы Рәһбәри Һәзрәт Ајәтуллаһүл-үзма Хаменеи базар ертәси Авропа Ислами Тәләбәләр Дәрнәкләри Бирлијинин Мәркәзи Шурасынын үзвләри илә ҝөрүшдә Ислам дәрнәкләринин әһәмијјәтинә тохунараг, онлары Ислам Республикасынын сәрвәтләринин бири вә уникал миссијаја малик адландырыблар вә сабит аддымлар атмағы, әтраф мүһитә тәсир ҝөстәрмәји вә Ислам Республикасынын јени месажыны изаһ етмәји ислам бирликләринин миссијаларындан олдуғуну вурғулајыблар.
Алимәгамлы Рәһбәрин офисинин информасија порталынын мәлунатына ҝөрә, Һәзрәт Ајәтуллаһүл-үзма Хаменеи бу ҝөрүшдә, Авропа Ислами Тәләбәләр Дәрнәкләри Бирлијинин гуруҹуларындан бири олан мәрһум Һөҹәтүлислам Др. Ежејинин хатирәсини еһтирамла јад едәрәк, јени вә ингилаби бахышлара малик олан ҝәнҹ тәләбәләрин фәалијјәтини јүксәк гијмәтләндирибләр.
Алимәгамлы Рәһбәр, һәмчинин әлавә едибләр ки, Ислам дәрнәкләри әтраф мүһитә тәсир ҝөстәрмәклә јанашы, үзвләрин өзләринин фикри вә әгидә әсасларыны ҝүҹләндирмәк үчүн јарадылыб, лакин Ислам Республикасынын әсас вә мәркәзи фикрини танытмаг Ирандан кәнарда фәалијјәт ҝөстәрән Ислам бирликләринин диҝәр бир миссијасыдыр.
О Һәзрәт Ислам Республикасынын принсипләрини изаһ етмәји, о ҹүмләдән Ҹүмһуријјәти Исламла әлагәләндирмәји ваҹиб мәфһумлардан бири һесаб едиб вә бујурублар: "Ислам Республикасы үчүн јени сөз одур ки, һөкумәтин гурулмасында халгын тәсири илә јанашы дин вә иман принсипләри дә тәсирлидир".
Һәзрәт Ајәтуллаһүл-үзма Хаменеи Ислам бирликләринин принсип вә әсаслары горујуб сахламагла мүасирләшдирилмәсини јашадығымыз шәраитин башга бир тәләби һесаб едәрәк, әдаләт принсипи кими бәзи принсип вә мәфһумларын сабит вә даими олдуғуна диггәт чәкибләр; Һансы ки, мин илләрдир мөвҹуддур, лакин әдаләтә наил олмаг шәклиндә дәјишиклик вә јенилик еһтималы вар.
Зати-алиләри елм вә елми тәрәгги мәсәләсини сон илләрдә өлкәләрин үмуми мүзакирәси кими сәҹијјәләндирибләр, вә Авропа Ислами Тәләбәләр Дәрнәкләринин будәфәки конфрансында елми топлантынын кечирилмәсини тәгдир едәрәк, билдирибләр ки, елми тәрәгги вә габагҹыл елмә наил олмаг мәсәләси унудулмамалыдыр вә белә тәсәввүр олунмамалыдыр ки, дини вә ингилаби ҹәһәтләрә диггәт јетирмәк елми тәрәггинин диггәтдән кәнарда галмасына сәбәб олур.
342/
