Иранын хариҹи ишләр назири Һүсејн Әмир Абдуллаһијан 3-ҹү Теһран Диалог Форумунда чыхыш едиб.
Хариҹи ишләр назири Әмир Абдуллаһијан билдириб ки, Иран гоншулуг анлајышыны хариҹи сијасәтинин охуна чевириб.
Әмир Абдуллаһијан хариҹи сијасәтдә вар ҝүҹләри илә етимадын јарадылмасына вә достлуғун әсасларынын мөһкәмләндирилмәсинә диггәт јетирдикләрини билдириб.
Әмир Абдуллаһијан реҝионда тәһлүкәсизлијин тәмин едилмәсинин ваҹиблији вә тәһлүкәсизлијин тәмин едилмәсиндә реҝионал өлкәләрин ролу илә бағлы Иранын фикирләрини дәјәрләндирәрәк, дејиб: "Бу контекстдә биз Иран вә Фарс көрфәзи өлкәләри вә диҝәр гоншу өлкәләр арасында хариҹи ишләр вә мүдафиә назирләринин бирҝә иҹласыны кечирмәјә һазырыг".
Чыхышынын диҝәр һиссәсиндә Украјна бөһранына тохунан Әмир Абдуллаһијан Иранын мүһарибәјә гаршы олдуғуну вә бу бөһранын диалог јолу илә һәлл едилмәли олдуғуну вурғулајыб.
Әмир Абдуллаһијан Украјна бөһранында Иранын Русијаја силаһ ҝөндәрдијинә даир иддиалары рәдд едәрәк, дејиб: "Бу иддиаларын мәгсәди бу бөһранда Гәрбин мүһарибә вә шиддәти аловландырдығыны өрт-басдыр етмәкдир".
Назир Әмир Абдуллаһијан, санксијаларын арадан галдырылмасы үчүн апарылан данышыгларла бағлы, дејиб: "Авропа Бирлијинин хариҹи сијасәт үзрә Али Нүмајәндәси илә даим әлагә сахлајырыг. Бејнәлхалг Атом Енержиси Аҝентлијинин витсе-президенти дүнән Атом Енержиси Аҝентлијиндә һәмкарларымла конструктив вә ҝәләҹәјә һесабланмыш данышыглар апарыб".
Чин вә Фарс Көрфәзи Әмәкдашлыг Шурасынын бирҝә бәјанатыны да тәнгид едән Әмир Абдуллаһијан дипломатик каналларла Чинә наразылығымызы билдирдик, дејиб.
342/
