Сејид Ибраһим Рәиси Теһран Университетиндә кечирилән он алты азәр мәрасиминдә бу ҝүнү, өлкә үчүн бир үмид ҝүнү адландырыб. Вурғулајыб ки, бу ҝүн, университетләр үчүн вәзијјәт вә шәраитин танынмасы, руһ јүксәклији вә тәфәккүр үзрә бир символ ҝүнүдүр.
Университетин мүшавирә мәркәзи вә тәфәккүр отағы олдуғуну бәјан едән өлкә президенти гејд едиб ки, тәләбәләр проблемләрин һәллиндә дөвләтә көмәклик ҝөстәрмәлидирләр.
Рәиси вурғулајыб: Тәләбәләр ҹәмијјәтин проблемләрини даһа чох вә даһа јахшы ҝөрүрләр вә тәләбәләрлә әлагәни өзүмүз үчүн фәхр вә елитанын нәзәрләриндән бәһрәләнмәк үчүн бөјүк бир фүрсәт һесаб едирик.
Иран Ислам Республикасынын президенти сонра белә гејд едиб: Бу ҝүн университет дүшмәнә зәрбә вуруб. Дүшмән университети тәһсилдән, елм өјрәнмәкдән вә елми инкишафдан чәкиндирмәк истәјир, амма тәләбә вә мүәллимләр дүшмәни накам гојдулар.
Етиразлары динләмәк ҝәрәклидир вә биз даим тәләбәләрин сөзләрини динләмәк үчүн гәрарлыјыг- дејән Рәиси, әлавә едиб: Етираз иғтишашдан фәргләнир: Етираз ишләрин ислаһына вә камала сәбәб олур, иғтишаш исә тәхрибат вә мәјуслуг ҝәтирир.
Бу ҝүн, он алты азәр, Иран Ислам Республикасы тәгвиминдә тәләбә ҝүнүдүр.
342/
