Сијавуш Новрузовун сөзләринә ҝөрә, Серҝеј Лавров дүнән Азәрбајҹанла бағлы чыхыш едәркән ермәни јанғысыны ҝөстәриб.
“Өтән ҝүн Русија хариҹи ишләр назири данышды, о бојда дөвләтин назири ермәни јанғысы илә фикир билдирди. Ҝаһ дејир ки, онлар вахтында ермәниләрә тәклиф вердиләр, бу, дәјәрләндирилмәди, ҝаһ мәрһәләли, ҝаһ да Мадрид принсипләриндән данышыр.”
Депутат сөзләрини белә давам едиб: “Лавров декабрын 1-дә кечирдији мәтбуат конфрансында билдириб ки, Ермәнистан рәһбәрлији сон вахтлар статусдан чох, Гарабағдакы ермәниләрин һүгуглары барәдә данышыр. Лавров бунунла белә, кечмиш Гарабағ мүнагишәсинин тәнзимләнмәси илә бағлы бир нечә варианты да хатырладыб. Азәрбајҹан-Ермәнистан сәрһәдләринин делимитасијасына ҝәлинҹә, Лавров дејиб ки, Русија Баш Гәрарҝаһында сәрһәдләрә даир хәритәләр вар. Русија бу хәритәләри вермәлидир. Хәритәниз вар, верин дә, нијә сахлајырсыныз? Бу хәритәләрин оғурлуг һадисәси кими ҝизләдилмәси нә демәкдир? Гарабағда статус мәсәләси јохдур, Президент Илһам Әлијев дәфәләрлә билдириб ки, статус олмајаҹаг. Бизим һансы хәритәләрлә ишләјәҹәјимиз бәллидир”, - депутат гејд едиб.
Депутат ону да гејд едиб ки, Русија Хариҹи Ишләр вә Мүдафиә назирликләри Азәрбајҹана гаршы гәрәзли бәјанатларла чыхышлар едирләр.
342/
