26 нојабр 2015-ҹи илдә Азәрбајҹан Республикасы Дахили Ишләр Назирлијинин силаһлы гүввәләринин Нардаран гәсәбәсинә һүҹуму 5 сакинин өлүмү, 4 нәфәрин јараланмасы вә 14 нәфәрин һәбси илә нәтиҹәләнди.
Азәрбајҹан Республикасы Дахили ишләр Назирлији вә Азәрбајҹан Республикасы Баш Прокурорлуғу һадисәнин "республикада иҹтимаи-сијаси сабитлији позмаг, тәхрибатлар, күтләви иғтишашлар, террорчулуг актлары төрәтмәји планлашдыран вә дин пәрдәси алтында фәалијјәт ҝөстәрән силаһлы ҹинајәткар дәстәнин зәрәрсизләшдирилмәси" кими гијмәтләндирмәсинә бахмајараг, Әмәлијјат кәнд сакини Әбүлфәз Бүнјатовун евиндә баш вериб. Бүнјатовун һәјат јолдашынын сөзләринә ҝөрә Кәрбәла шәһидләринин 40 мәрасиминә һазырлыг заманы евдә еһсан верилирмиш. Бу мәгсәдлә Һаҹы Тале Бағырзадә дә гонаг кими дәвәт олунмушду. Бүнјатованын сөзләринә ҝөрә, намаз вахты гәфләтән Чевик Полис Алајынын әмәкдашлары вә маскалылар евә басгын едибләр, сәс бомбасындан, ҝүлләдән истифадә едибләр.
Нардаран сакинләринин сөзләринә ҝөрә полисин гәсәбәјә ҝәлмәсинә сәбәб Талеһ Бағырзадәнин һөкумәтә гаршы кәскин тәнгиди чыхышы олуб. Полисин Бүнтадовун евинә силаһлы һүҹумунун шаһидләри билдирирләр ки, полис автомат силаһлардан истифадә едәрәк евә дахил олуб. Азәрбајҹан Дахили Ишләр Назирлији сонрадан јајдығы бәјанатда 2 полисин дә бу һүҹумда өлдүјүнү билдириб анҹаг гәсәбә сакинләри әмәлијјат заманы кәнд сакинләринин силаһдан истифадә етмәдикләрини вә полисләрин нардаранлылар тәрәфиндән өлдүрүлмәдијини дејирләр.
2015-ҹи ил 26 нојабрда һөкумәтин Нардаран гәсәбәсинә силаһлы һүҹуму вә јерли сакинләри гәтлә јетирмәси вә Мүсәлман Бирлији Һәрәкатынын рәһбәри Тале Бағырзадә башда олмагла 14 нәфәр диндары һәбс етмәсиндән сонра, Нардаран гәсәбәсиндә сакинләр ҝениш етираз аксијаларына башладылар вә бу етиразлар диҝәр шәһәрләрә дә јајылды.
Һаҹы Тале Бағырзадә 25 јанвар 2017-ҹи илдә Бакы Ағыр Ҹинајәтләр Мәһкәмәси тәрәфиндән 20 ил азадлыгдан мәһрум едилди. О 18 јанвар 2017-ҹи лдә мәһкәмәдә сон сөзүндә һакимијјәтин зүлмләринә гаршы мүбаризә апардығына ҝөрә ҹәзаландырылдығыны билдирди вә “Әҝәр зүлм гаршысында сусаҹагсана ибадәтин нә фајдасы?” дејәрәк бир даһа Илһам Әлијев һакимијјәтини кәскин тәнгид атәшинә тутду. Биз мәзлумун сәсијик дејән Һаҹы Тале Бағырзадә мәһкәмәдәки сон сөзүнү Шәһријарын бу шеири илә битирди:
Ја рәбб, нәдир бир бу гәдәр үрәкләри ган етмәјин?
Голу бағлы галаҹагдыр һачағаҹан, Азәрбајҹан?
Өвладларын һачағадәк јад елләрдә долашаҹаг,
Әл-әлә вер, үсјан елә, ојан, ојан Азәрбајҹан!
Дур ајаға, ја азад ол, ја тамам јан, Азәрбајҹан!
342/
