Армен Григорјан дејиб: “Ермәнистанла Азәрбајҹан арасында 4 бөјүк мөвзу вар ки, онлар да өз нөвбәсиндә алт мөвзулара бөлүнүр: Биринҹиси, һуманитар мәсәләләр, бүтүн әсирләрин тезликлә азад едилмәси, икинҹиси, нәглијјат јолларынын ачылмасы, даһа сонра делимитасија, сәрһәдләрин тәһлүкәсизлији вә Дағлыг Гарабағ проблеминин һәлли үзрә комиссијаларын ишидир. Тәбии ки, данышыгларда Гарабағ мәсәләси мүзакирә олунур, биз ирәлиләјишлә бағлы мүмкүн һәлл јолларыны ахтарырыг”.
Ермәни рәсминин сөзләринә ҝөрә, Гарабағ проблемини һәлл етмәдән, һеч олмаса Гарабағ проблеминин неҹә һәлл олунаҹағына ајдынлыг ҝәтирмәдән сүлһ мүгавиләси бағламаг мүмкүн дејил. Гарабағ проблеминдән јан кечмәк мүмкүн дејил, бу, бүтүн иҹласларда мүзакирә олунур вә ҝүндәмдәдир.
Ҝөрүнүр, рәсми Бакы Гарабағ мүнагишәсини нә гәдәр битмиш һесаб етсә вә Гарабағын статусунун ҝорбаҝор олдуғуну десә дә, Ермәнистан өз мөвгејиндә исрарлы галыр вә ҝери чәкилмәк истәмир.
342/
