Никол Пашинјан октјабрын 31-дә Сочидә Русија президенти Владимир Путинлә ҝөрүшүндә дејиб: “Кечән һәфтә Валдај Дискуссија Клубунда сиз Ермәнистанла Азәрбајҹан арасында мүмкүн сүлһ мүгавиләси мәсәләсинә тохундунуз, Дағлыг Гарабағла бағлы бу просесин бир сыра мүһүм параметрләрини гејд етдиниз вә бәјан етдиниз ки, бу принсипләрин сечимини дәстәкләјәҹәксиниз. Ермәни тәрәфи буна үстүнлүк верир. Үмумијјәтлә Дағлыг Гарабағла бағлы Русија тәрәфиндән тәклиф олунан јанашмалар, дөвләтләрарасы мүнасибәтләрин гурулмасы принсипләри вә параметрләри бизим үчүн мәгбулдур”.
Пашинјан үмид етдијини билдириб ки, Русија лидери Ермәнистан, Русија вә Азәрбајҹан лидерләри арасында әлдә олунан үчтәрәфли бәјанатын мәтниндә бу јанашмслара үстүнлүк вериләҹәк.
Баш назир сөһбәтинин сонунда Путинин Дағлыг Гарабағла бағлы вердији бәјанаты јүксәк гијмәтләндириб.
342/
