Сејид Ибраһим Рәиси өз мүраҹиәтиндә гејд едиб ки, Иран халгынын мәзлумлуғу бу дәфә Һәзрәт Әһмәд бин Мусанын (әлејһиссалам) мүгәддәс һәрәминдә әкс-сәда доғурду вә Иран Ислам Ингилабы дүшмәнләринин төрәтдији ҹинајәтләр сырасына бири дә әлавә олунду.
Иран президенти даһа сонра бу террор актында Һәзрәт Әһмәд бин Мусанын (әлејһиссалам) һәрәминин бир груп зәвварынын шәһид олмасы вә јараланмасы илә әлагәдар бу әзизләрин аиләләринә вә бүтүн Иран халгына башсағлығы вериб.
Ҹәнаб Рәиси гејд едиб: “Тәҹрүбә ҝөстәрир ки, Иранын дүшмәнләри өз чарәсизликләринин гисасыны зоракылыг вә террорла алмаға чалышырлар. Онлар халгын бирләшмиш сыраларында парчаланма јаратмаг вә өлкәнин тәрәггисини әнҝәлләмәк истәјирләр.”
Иран президенти вурғулајыб: “Бу шәрбазлыг мүтләг ҹавабсыз галмајаҹаг вә тәһлүкәсизлик вә һүгуг-мүһафизә органлары бу кор-коранә ҹинајәтин амилләрини вә баискарларыны мүәјјән етмәклә онлара ибрәтамиз ҹаваб верәҹәкләр.
