Бу Азәрбајҹан Республикасы Президенти Илһам Әлијевин тәсдигләдији “Азәрбајҹан Республикасы Һөкумәти илә сионист режим арасында һава әлагәси һаггында” Сазишин тәсдиг едилмәси барәдә ганунда әксини тапыб.
Гануна әсасән, Азәрбајҹан Республикасы илә Гүдсү ишғал едән режим арасында һава әлагәсинин гурулмасы мәгсәдилә 2022-ҹи ил ијунун 30-да Тел-Әвив шәһәриндә имзаланан Сазиш 25 маддәдән вә әлавәдән ибарәтдир.
Сазишә әсасән разылыға ҝәлән тәрәф мүәјјән едилмиш маршрутлар үзрә разылашдырылмыш хидмәтләри јеринә јетирмәк мәгсәдилә диҝәр разылыға ҝәлән тәрәфә бир вә ја бир нечә авиасија ширкәтини јазылы шәкилдә тәјин етмәк һүгугуна маликдир.
Һәмчинин, Сазишә әсасән, бир тәрәфин дөвләтинин әразисиндән бирбаша транзитлә кечән вә бу мәгсәдлә һава лиманында ајрылмыш саһәни тәрк етмәјән сәрнишинләр, багаж вә јүк авиасија тәһлүкәсизлији тәдбирләри истисна олмагла, јалныз садәләшдирилмиш нәзарәтдән кечәҹәкләр вә мүлки авиасијанын тәһлүкәсизлијинә гаршы һәр һансы диҝәр тәһлүкәнин гаршысынын алынмасы үчүн мүраҹиәт әсасында бир-биринә бүтүн лазыми јардымы ҝөстәрәҹәкләр.
342/
