Бу иттиһамы Русијанын мүдафиә назири Серҝеј Шојгу НАТО-ја үзв өлкәләрлә телефон данышығында сәсләндириб.
Зеленски сосиал шәбәкәләрдә билдириб ки, әҝәр Русија зәнҝ едиб дејирсә ки, ҝуја Украјна нәсә һазырлајыр, бу, јалныз бир шеј демәкдир; Русија бүтүн бунлары артыг һазырлајыб. Инанырам ки, инди дүнја мүмкүн гәдәр сәрт реаксија вермәлидир".
О, әлавә едиб: "Әҝәр Русија ескаласијанын јени мәрһәләсини һазырлајырса, инди габаглајыҹы шәкилдә вә өзүнүн јени "кирләриндән" әввәл дүнјанын буну гәбул етмәјәҹәјини ҝөрмәлидир".
Зеленски дејиб: "Москванын нүвә арсеналындан имтина етмиш өлкәмизә гаршы нүвә силаһы тәтбиг етмәклә һәдәләмәси Русијаја гаршы санксијалар тәтбиг етмәјә вә Украјнаја даһа бөјүк дәстәк вермәјә һагг газандырыр".
Даһа әввәл Украјнанын хариҹи ишләр назири Дмитри Коулеба сосиал шәбәкәдә демишди ки, Украјнанын чиркли бомбадан истифадә етмәјә һазырлашдығы барәдә Русијанын ујдурмалары тәһлүкәли олдуғу гәдәр дә абсурддур.
"Руслар тез-тез өзләринин планлашдырдыглары шејдә башгаларыны иттиһам едирләр", о әлавә едиб.
Русијанын мүдафиә назири Серҝеј Шојгу базар ҝүнү британијалы, франсыз вә түркијәли һәмкарлары илә телефон данышығында Украјнанын чиркли бомбадан истифадә илә мүмкүн тәхрибатларындан нараһат олдуғуну билдириб.
342/
