Ахар.аз порталы хәбәр верир ки, Ермәнистанын баш назири Никол Пашинјан бу јахынларда өлкәсинә хариҹи дөвләтләрин силаһ сатышындан имтина етдијини билдирмишди. Белә бир вәзијјәтдә Ермәнистанын Һиндистандан “Пинака” реактив атәш системи, һабелә Совет-Русија моделли “Конкурс” танк әлејһинә ракетләринин алынмасына даир сазиш имзаламасы диггәт чәкмәјә билмәз. Һәм дә әввәлҹә бу сазишин дәјәринин 244 милјон доллар олдуғу билдирилсә дә, инди 260 милјона галхдығы дејилир.
Һазырда Ермәнистан Һиндистандан ПУА вә дрон камикадзе, һәмчинин “Акаш” зенит-ракет комплекси алмаг үчүн данышыглар апарыр. Бунунла бағлы мүзакирәләр Ермәнистан мүдафиә назири Сурен Папикјанын Һиндистана сәфәри заманы ҝүндәмә ҝәтирилмишди.
“Пинака” Һиндистанын ән габагҹыл силаһларындан сајылыр.
Ермәни експертләр дејирләр ки, Һиндистан һөкумәти рәгиби Пакистанын Азәрбајҹаны дәстәкләмәсинә ҹаваб олараг Ермәнистаны силаһландырмагда мараглыдыр.
Мәгаләдә гејд олунур ки, Һиндистан силаһ истеһсалында “Русија стандартларына” јахындыр вә бу бахымдан Һиндистанын Ермәнистана силаһ сатышына АБШ-ын разылығы ҝүндәмә ҝәлир вә АБШ Ермәнистаны Русијанын тәсир даирәсиндән тәдриҹән чыхармаг үчүн аддымларыны сүрәтләндирир.
Бу ар342/
