Никол Пашинјан Авропа Парламентинин Ермәнистан үзрә даими мәрузәчиси Андреј Коватчеви гәбулу заманы дејиб ки, рәсми Ирәван Авропа Парламенти илә әмәкдашлығы јүксәк гијмәтләндирир, бу да Ермәнистан һөкумәтинин демократик ислаһатлар ҝүндәлијинин марагларындан ирәли ҝәлир.
Һәмсөһбәтләр демократик ислаһатларын ҝедиши, реҝионал мәсәләләр, Дағлыг Гарабағ әтрафындакы вәзијјәт, Ермәнистанла Азәрбајҹан арасында сәрһәдләрин делимитасијасы вә диҝәр мәсәләләр әтрафында фикир мүбадиләси апарыблар.
Пашинјан һәмчинин Азәрбајҹанда сахланылан ермәни һәрби әсирләрин, ҝировларын вә диҝәр сахланылан шәхсләрин мәсәләсинә тохунараг, онларын ҝери гајтарылмасы үчүн гәбул едилмиш гәтнамәләрә ҝөрә Авропа Парламентинә миннәтдарлығыны билдириб.
Бәзи тәһлилләрә ҝөрә, Русијанын Ҹәнуби Гафгазла бағлы стратеҝијасы Пашинјан һөкумәтини гане етмәдијиндән Ирәван Гәрб дөвләтләри вә тәшкилатлары илә тәмасларыны сон заманлар хејли артырыб, Франса рәһбәрлијинин исә Ермәнистана тотал дәстәји јени сијаси курсда тәсирсиз өтүшмүр.
Еммануел Макрон өз ачыгламасында Русијаны Азәрбајҹанла әлбир олараг Ермәнистаны зәифләтмәк јолуну тутмагда ҝүнаһландырыр.
342/
