Електрик енержисинин өтүрүлмәси үзрә Авропа систем операторлары шәбәкәси хәбәрдарлыг едибдир ки, Франса вә Ирландија гышда електрик тәмини ҹәһәтдән ән көврәк Авропа өлкәләри олаҹаглар вә бу өлкәләрдә електрик кәсилмәси еһтималы јүксәкдир.
Електрик енержисинин өтүрүлмәси үзрә Авропа систем операторлары шәбәкәсинин прогнозлары вә мәлуматына әсасән, гыш фәслиндә, башга сөзлә, 2023-ҹү илин јанвар вә феврал ајларында Франса вә Ирландијада, еләҹә дә диҝәр Авропа өлкәләриндә електрик өтүрмә системи хејли сајда проблемлә үзләшәҹәк.
Авропалылар бу ҝүнләр Гәрб вә АБШ-ын Русијаја гаршы санксијаларынын нәтиҹәләриндән иәрли ҝәлән енержи бөһраны илә үзләширләр.
Украјна савашынын башланмасындан сонра Америка вә онун авропалы мүттәфигләри Русијаја гаршы ағыр игтисади санксијалар тәтбиг етмәјә башладылар.
Бу санксијалардан ән мүһүмләриндән бири, Москвадан нефт вә газ идхалатына мәһдудијјәтин гојулмасы олуб. Бу мәсәлә һал-һазырда Гәрб өлкәләриндә мисли ҝөрүнмәмиш кәскин инфлјасијанын мејдана ҝәлмәсинә баис олуб. Мүшаһидәчиләр Авропа Бирлији үчүн чох сојуг бир гыш прогноз едирләр.
342/
