Конфрансда Иран Ислам Республикасы, Индонезија, Инҝилтәрә, Бәһрејн вә Пакистандан алим вә мүтәфәккирләр иштирак едибләр.
"Иран Пресс"ин мәлуматына ҝөрә, Иран Ислам Ингилабынын Алимәгамлы Рәһбәринин Британијадакы нүмајәндәси Һөҹҹәтүлислам Сејид Һашим Мусәви конфрансда чыхышы заманы дејиб: "Мүсәлманлар арасында тәфригә салмагдан мәгсәд Ислам дүнјасынын ҝүҹүнү зәифләтмәкдир".
Британија Ислам Мәркәзинин рәһбәри мүсәлманларын етник мәнсубијјәт, ирг вә дил бахымындан бир-бириндән фәргләндијини гејд едәрәк, вурғулајыб ки, бу мәсәләнин һеч бир әһәмијјәти јохдур вә ихтилафлара сәбәб олмамалыдыр вә Ислам ҹәмијјәтләри алимләринин бу саһәдә ајыг-сајыг олмасы ваҹибдир.
О, һәмчинин Исламофобијанын өлчүләринин вә онун Гәрбдәки мүсәлман азлыглар үчүн мәнфи нәтиҹәләринин мүрәккәблијини нәзәрә алараг, Авропа халгларыны һәгиги Исламла таныш етмәк вә мүсәлманларла гәрблиләр арасында расионал диалог платформасы јаратмағын зәрурилијини гејд едиб.
Конфрансда иштирак едән сүнни алими Мәһәммәд Халид Пејғәмбәри-әкрәмин (с.ә.с) әхлагына риајәт етмәји вә бирлији горумағы Исламофобија илә мүбаризәнин ән јахшы јолларындан бири һесаб едиб.
342/
