Авропа Иттифагынын (АИ) Хариҹи Ишләр Назирләри Шурасы Ермәнистана ҝөндәриләҹәк мүлки миссијанын јарадылмасы барәдә гәрар гәбул едиб.Бу барәдә гурумун рәсми сајтында јазылыб.
Билдирилиб ки, миссија Ермәнистанда Азәрбајҹанла сәрһәдин јахынлығында јерләшдириләҹәк вә онун тәркиби 40 мониторинг експертиндән ибарәт олаҹаг:
Мүлки миссија мүвәггәти характер дашыјаҹаг вә принсипҹә ики ајдан чох олмајаҹаг
Өнҹә АИ ХИН Шурасынын рәсмиләриндән бири билдирмишди ки, биринҹи мәрһәләдә 400-ә јахын мүшаһидәчи јерләшдириләҹәк. Илк мүшаһидәчиләр ики өлкәнин сәрһәдинә АИ-нин Ҝүрҹүстандакы миссијасындан ҝөндәриләҹәк. Мәсәләнин ваҹиблијинә ҝөрә Ҝүрҹүстандакы нүмајәндәлијимиздән ишчиләри ҝөтүрүрүк”.
Гејд едәк ки, октјабрын 6-да Прагада Азәрбајҹан Республикасы вә Франса Президентләри еләҹә дә Авропа Иттифагы Шурасынын Президенти вә Ермәнистанын баш назиринин бирҝә ҝөрүшүндә Ермәнистан-Азәрбајҹан сәрһәди јахынлығында Ермәнистан әразисинә Авропа Иттифагынын мүлки миссијасынын ҝөндәрилмәси барәдә гәрар гәбул олунуб.
342/
