бу фикри Русија Федерасијасы Тәһлүкәсизлик Шурасынын сәдр мүавини Дмитри Медведев “ВКонтакте” сосиал шәбәкәсиндәки сәһифәсиндә билдириб.
Русија Федерасијасы Тәһлүкәсизлик Шурасынын сәдр мүавини Дмитри Медведев мүдрик вә нәҹиб ҝөрүнмәјә чалышан Макрона Франсанын Малидә, Руандада, Конгода, Әлҹәзаирдә ганы су јеринә ахытдығыны хатырладыб вә дејиб: "Франса президенти Еммануел Макронун Русијанын Гафгазда дағыдыҹы ролу барәдә бәјанаты Франсанын өзүнүн ијрәнҹ мүстәмләкә кечмишиндән гајнагланыр."
Онун сөзләринә ҝөрә, Авропа сијасәтинин севимли үсулу өз ҝүнаһыны киминсә үстүнә атмагдыр. Франса президенти Еммануел Макронун сон бәјанатына башга изаһ вермәјә еһтијаҹ јохдур.
Русија Федерасијасы Тәһлүкәсизлик Шурасынын сәдр мүавини Франса лидеринин Русијаны Ермәнистан-Азәрбајҹан сәрһәддиндә сабитлији позмагда иттиһам етмәсини дә хатырладыб вә гејд едиб ки, Макрон, әслиндә, Русијаны ҝүнаһландырмады, әксинә, өзүнә һагг газандырды. Франса президенти мүдрик вә нәҹиб ҝөрүнмәјә чалышыр. Лакин Франсанын өзүнүн 1960-ҹы илләрин сонундан бәри кечмиш мүстәмләкәләриндә неҹә даврандығыны хатырламаг лазымдыр.
“Малидә, Руандада, Конгода, Әлҹәзаирдә ган су јеринә ахды. Макрон өзү бир вахтлар Африакда Тутси сојгырымына ҝөрә үзр истәјиб. Бу тајфада инсанларын башлары кәсилди вә тамамилә кәндләр мәһв едилди. Гујулар ҹәсәдлә долу иди. Франса һөкумәтинин илләр боју сијасәти “парчала һөкүм сүр” олуб”, - дејә Медведев әлавә едиб.
Гејд едәк ки, Франса президенти Еммануел Макрон “Франҹе 2” телеканалынын ефириндә Русијаны Гафгаз реҝионунда вә онун һүдудларындан кәнарда сабитлији позмаг үчүн Ермәнистан вә Азәрбајҹан арасында сон тоггушмалары гәсдән тәһрик етмәкдә иттиһам едиб.
342/
