Ермәнистан парламентинин сәдри Ален Симонјанын башчылыг етдији нүмајәндә һејәти октјабрын 10-да Москвада Русија Дөвләт Думасынын сәдринин гәбулунда олуб.
Симонјан бу ҝөрүшдә дејиб ки, Ермәнистан-Русија мүттәфиглик гаршылыглы тәрәфдашлығы ики өлкәнин халглары арасында тарихән формалашмыш достлуға әсасланыр.
Азәрбајҹанла Ермәнистан арасындакы силаһлы тоггушма ҝөрүшдә мүзакирә олунан әсас мәсәләләрдән бири олуб.
Симонјан бу һагда гејд едиб: “Бизим Москваја сәфәримиз Ермәнистан үчүн чәтин бир дөврдә баш верир. Артыг мәлум олдуғу кими, сентјабрын 13-дән Азәрбајҹан Ермәнистанын суверен әразисинә гаршы тәҹавүзүн јени мәрһәләсинә башлајыб. Азәрбајҹан силаһлы гүввәләри бир нечә истигамәтдә тәкҹә ермәни һәрби мөвгеләрини дејил, Ермәнистан әразисинин дәринликләриндә јерләшән мүлки инфраструктуру да интенсив атәшә тутуб. Бу, ағрылы фактдыр: 207 итки вә јаралымыз вар”, - дејән парламентин сәдри иддиа едиб ки, Азәрбајҹанын Ермәнистанын бејнәлхалг сәвијјәдә танынмыш әразисинә ҝенишмигјаслы һүҹумуну МДБ мәканында ишғалчылыг мәгсәдләри олан тәһлүкәли тенденсијадыр. Бу бахымдан КТМТ-нин фәалијјәтини шәрһ едән Ален Симонјан билдириб ки, тәшкилат үзвләриндән биринә гаршы тәҹавүзә оператив вә еффектив ҹаваб верә билмәјиб. Она ҝөрә дә Ермәнистанын тәһлүкәсизликлә бағлы узунмүддәтли һәлл јоллары үчүн вахты јохдур.
342/
