Алимәгамлы Рәһбәрин офисинин информасија порталынын мәлуматына ҝөрә, Һәзрәт Ајәтуллаһүл-үзма Хаменеи сентјабрын 11-дә бир груп идманчы шәһид аналары вә Идманчы Шәһидләр Конгресинин тәшкилатчылары илә ҝөрүшдә дејибләр: "Идман санксијалары ҝөстәрди ки, Гәрб өлкәләри мараглары тәләб етдикдә асанлыгла гырмызы хәтләри кечирләр".
Һәзрәт Ајәтуллаһүл-үзма Хаменеи, һәмчинин мејдандакы техники гәләбәни дәјәрләрин гәләбәси илә бирләшдирмәјин ваҹиблијини вурғулајараг, гејд едибләр ки, иранлы идманчыларын сионист режим нүмајәндәләри илә јарышмагдан имтина етдијинә ҝөрә медалдан мәһрум едилмәси әсл гәләбәдир, чүнки јарышмаг гәсбкар, ҹәллад вә ушаг өлдүрән режими танымаг вә техники вә заһири гәләбә баһасына мәнәви гәләбәни тапдаламаг демәкдир ки, бунун да һеч бир дәјәри јохдур.
Ислам Ингилабынын Алимәгамлы Рәһбәри идман үчүн һазыркы мүһитин идманч шәһидләрин мәнәвијјатынын тәсиринин нәтиҹәси олдуғуну билдирәрәк, иранлы идманчыларын дәјанәти вә бағлылығынын тәзаһүрләринин бир нечәсини садалајыб вә дејибләр: " Гадынларын Ислами һиҹабла чемпионлуг күрсүсүнә чыхмасы вә кишиләрлә әл сыхмамасы, чемпионлуг медалларынын шәһид аиләләринә верилмәси, галиб ҝәлдикдән сонра сәҹдә етмәк вә һидајәт имамларынын адларынын зикр едилмәси вә идман нүмајәндә һејәтинин Әрбәин зијарәтинә ҝетмәси буҝүнкү фитнә-фәсадла долу мадди дүнјада һејрәтамиз вә бәнзәрсиз һадисәләрдир ки, Иран халгынын мәнәви вә әхлаги дәринликләрини дәрк етмәк үчүн мүтләг нәзәрә алынмалыдыр".
Һәзрәт Ајәтуллаһүл-үзма Хаменеи идманчылара һәм мејданда, һәм дә мејдандан кәнарда давранышларына диггәт јетирмәклә өз шәрәф вә ләјагәтини вә вәтәни горумағы төвсијә едәрәк, әлавә едибләр: "Кечмишдә идман мүһитимиз һәмишә Аллаһын, мәсум имамларын ады вә дини вә әхлаги ҹәһәтләрлә бәзәнмишдир. Амма гәрблиләр јени идман нөвләри илә јанашы өз мәдәнијјәтләрини дә танытмаға чалышырлар, буна ҝөрә дә јени идман нөвләрини өјрәниб ирәлиләјәркән биз өз мәдәнијјәтимизә нәзарәт етмәлијик вә идманын гәрб мәдәнијјәтинә дахил олмаг үчүн көрпү олмасына имкан вермәмәлијик".
342/
