пикет иштиракчылары Русија ордусунун Гарабағдан чыхарылмасыны тәләб едән сөзләр јазылмыш плакатлары, Азәрбајҹан вә Украјна бајрагларыны галдырараг "Рәдд олсун ишғалчы Русија ордусу" шүары сәсләндирибләр.
Аксија иштиракчылары билдириб ки, бу ҝүн Украјнада күтләви гәтлләр төрәдән һәрбчиләр Азәрбајҹанда сүлһмәрамлы ола билмәз. Онларын демәләринә ҝөрә, Русија Азәрбајҹанда да чохсајлы фаҹиәләр төрәдиб: "Бу ордуну бура дәвәт едәнләр дә ҹаваб вермәлидир ки, нәјә ҝөрә онлар Азәрбајҹана Русија ордусуну дәвәт етдиләр? Бу, Азәрбајҹан халгына ән бөјүк хәјанәт иди. Рус ордусу бурада олунҹа, бурада ишғал олаҹаг".
Зорҝе паркында топлашан вә Русија сәфирлијинин өнүнә доғру һәрәкәт едән аксија иштиракчыларынын гаршысыны полис әмәкдашлары алыб. Она ҝөрә дә аксија иштиракчылары пикет гәтнамәсини паркда охујублар.
Ики нәфәрин полис тәрәфиндән сахланылдығы дејилир. Диҝәр иштиракчылар исә паркдан чыхарылыб.
342/
