Сентјабрын 14-дән 28-дәк апарылан ахтарышлар заманы Едилли кәндинин јахынлығында үч мәзар ашкар едилиб. Онларын икисиндә алты нәфәрин, бириндә исә өтән әсрин 1990-ҹы илләриндә ермәниләр тәрәфиндән өлдүрүлмүш 12 азәрбајҹанлы һәрбчинин ҹәсәдинин күтләви шәкилдә басдырылдығы ашкар едилиб.
Өләнләрин һәрбчи олмасыны гәбирдән тапылан палтар, ајаггабы, әсҝәр кәмәрләри, нишанлар вә диҝәр орду ләвазиматларынын елементләри сүбут едир.
Азәрбајҹан Әсир вә иткин дүшмүш, ҝиров ҝөтүрүлмүш вәтәндашларла әлагәдар Дөвләт Комиссијасынын әмәкдашы Намиг Әфәндијев Туран-ын мүхбиринә билдириб ки, өтән әсрин 90-ҹы илләриндә азад едилмиш сағ галан әсир вә ҝировларын ифадәләри әсасында Едиллидә мәзарларын ахтарышына башланылыб.
Бејнәлхалг Гызыл Хач Комитәсинин мәлуматына ҝөрә, Гарабағ мүнагишәси нәтиҹәсиндә үмумиликдә 4500 нәфәр иткин дүшүб, онлардан 3800 нәфәри Азәрбајҹан вәтәндашыдыр.
2020-ҹи ил 44 ҝүнлүк мүһарибәдән сонра Шуша, Кәлбәҹәр рајонларында, Фәррух дағында вә диҝәрләриндә азәрбајҹанлыларын күтләви басдырылдығы бир нечә мәзарлыг ашкар едилиб
342/
