Тәхминән бир ај бундан өнҹә Инҝилтәрәдә өз баш назирлијинә башлајан Лиз Трасс Инҝилтәрә мүһафизәкарлар партијасында сионист режимин һимајәдары олан бир парламент групу сајылан «Исраилн мүһафизәкар достлары» адлы дәстәнин гаршысында етдији чыхыында вурғулајыб: Мән сон дәрәҹә сионист вә Исраилин һимајәдарыјам.
Һәмас-ын рәһбәрләриндән Сами Әбу-Зәһри дејиб: Лиз Трассын сионизми һимајә барәдәки сөзләри Фәләстин халгына гаршы тәҹавүзләр вә сионист режимин сырасында дурмаг демәкдир.
Әбу-Зәһри әлавә едиб: Бу кими сөзләр, Инҝилтәрәнин јүз ил бундан өнҹә Балфур бәјаннамәси илә башланмыш бизим милли мәсәләмизә гаршы ҹинајәтинин давамыдыр.
Фәләстин Ислами Мүгавимәт Һәрәкатынын лидери сөјләјиб: Мәһз бу кими шәхсләр ҝүнаһсыз фәләстинли ушагларын гәтлини өрт-басдыр едирләр вә бу, бәшәријјәт үчүн биабырчылыгдыр.
Гејд етмәк лазымдыр ки, Балфур бәјаннамәси Инҝилтәрә һөкумәтинин 1917-ҹи илдә биринҹи дүнја мүһарибәси заманы Фәләстиндә "јәһуди халгы үчүн милли ев" ин гурулмасына дәстәјини елан етмәк үчүн вердији бир бәјанатдыр. Фәләстин о заман Османлы империјасынын әразисиндә вә нәзарәти алтында иди вә јәһудиләрдән ибарәт кичик бир азлыг онда јашајырды. Бу бәјаннамә Инҝилтәрәнин озаманкы хариҹи ишләр назири Артур Ҹејмс Балфурун Бөјүк Британија вә Ирландија сионист федерасијасына өтүрүлмәси үчүн Инҝилис јәһуди иҹмасынын лидери Лорд Ротшилдә ики нојабр 1917-ҹи ил тарихли мәктубунда јер алыб.
342/
