"Оғлум дүшмән мөвгеләриндән 150 метрлик мәсафәдә ҝеҹә постда олуб, сәһәр ҝәлиб мејитини тапыблар. Ҝүлләни күрәјиндән вурублар үрәјиндән чыхыб, јазыблар ки, үрәк чатышмазлыгдан өлүб. Әлимдә бүтүн сүбутлар вар, Тәртәр мәһкәмәси исә иши өрт-басдыр едиб", - дејә аналардан бири дејиб.
Онларын сөзләринә ҝөрә, дәфәләрлә дөвләт гурумларына, о ҹүмләдән Милли Мәҹлис депутатларына мүраҹиәт етсәләр дә, нәтиҹә јохдур. "Сечки заманы гапы-гапы дүшүб вәдләр верирләр. Мәни бир шәһид анасы кими бир дәфә динләмисиниз? Мәнә арха дурмусунуз? Мән сиздән пул истәмирәм. Кағыз вермәк истәмирләр. Онда баламы гајтарсынлар. Балам хәстә-хәстә 7 ил Товуз, Ҝәдәбәј чөлләриндә олуб, онларын балалары исә хариҹдә".
Аксија иштиракчыларынын гаршысына чыхан Милли Мәҹлисин витсе-спикери Адил Әлијев исә билдириб ки, шәһид статусу ала билмәјәнләрин һәр биринин мәсәләси ајры-ајрылыгда мүстәгил формада һәлл олунмалыдыр
А.Әлијев мүраҹиәт едән валидејнләрин ајры-ајрылыгда гәбул едиләҹәјини билдириб.
342/
