сионист режимин мүһарибә назири Бенјамин Гантсын Азәрбајҹан Сәрһәд Гошунларынын команданы ҝенерал Елчин Гулијев илә ҝөрүшүндә, сәрһәдләрин мүһафизәси илә бағлы мүзакирәләр апарылыб. Һәмчинин кечмишдә Ермәнистан тәрәфиндән ишғал олунмуш әразиләрин сәрһәдләриндә лазыми инфраструктурун јарадылмасы мүзакирә објекти олуб.
Бу арада сионист режимин мүһарибә назиринин башчылыг етдији нүмајәндә һејәти Азәрбајҹан Дөвләт Сәрһәд Хидмәтинин бинасында јерләшән “Сијаси репрессија гурбанлары” музејини дә зијарәт едиб.
Сәфәрин сонуна гәдәр мәхфи сахланылан ҝөрүшләрин хәбәри бу ҝүн јајылыб.
Сионист режим өтән илләрдә Азәрбајҹан Республикасынын һава лиманы, лиманлары вә терминаллары үчүн лазыми тәһлүкәсизлик ләвазиматлары илә тәмин етмәк ады алтында Азәрбајҹан Республикасындакы бу мәркәзләрдә нүфузуну тәмин едиб.
Гејд едәк ки, Азәрбајҹан дөвләт башчысы Илһам Әлијев октјабрын 3-дә Азәрбајҹанда сәфәрдә олан Исраилин мүдафиә назири Бенјамин Гантсы вә онун рәһбәрлик етдији нүмајәндә һејәтинин үзвләрини гәбул едиб.
Рәсми мәлуматда дејилир ки, ҝөрүшләр заманы реҝионал сијасәт вә тәһлүкәсизлик мәсәләләри мүзакирә олунуб.
Ишғал олунмуш Фәләстинә јола дүшән сионист назир Азәрбајҹанла стратежи әлагәләрин мөһкәмләнмәсинә вә инкишафына бөјүк өнәм вердијини билдириб.
342/
