Ингилаб Рәһбәри бујуруб: “Ачыг шәкилдә билдирирәм ки, бу һадисәләр Американын, сионист режими вә онларын давамчыларынын планы иди. Онларын проблеми мүстәгил, инкишаф етмиш вә ҝүҹлү Иранладыр. Иран халгы бу һадисәләрдә өзүнү ҝүҹлү ҝөстәрди, ҝәләҹәкдә дә лазым олан јердә шүҹаәтлә мејдана дахил олаҹаг.”
О һәзрәтин фикринҹә ҝәнҹ гызын өлүмү бәһанә иди вә бу олмасајды белә Иранда меһр ајынын әввәлиндә тәһлүкәсизлијә зәрбә вурмаг үчүн башга бир бәһанә тапаҹагдылар.
Иран Ислам Ингилабынын Али лидери фикирләрини белә давам етдириб:
“Ҝәнҹ гызын вәфаты һадисәси бизим дә үрәјимизи јандырды. Амма һадисә арашдырмадан, бир факт олмадан күчәләрдә тәһлүкәсизлијә зәрбә вурдулар, Гурана од вуруб, һиҹаблынын башындан һиҹабы чәкдиләр, мәсҹид вә һүсејнијјәни, ҹамаатын нәглијјат васитәләрини јандырдылар. Бу ади вә тәбии бир реаксија дејилди...Дүнјада чохлу иғтишашлар баш вериб. Авропада елә Франсанын пајтахты Парисдә ҝениш иғтишашлар олуб. Амма индијә гәдәр ҝөрүнүбмү ки, АБШ президенти вә ја Конгрес орадакы иғтишашлары дәстәкләјиб бәјанат версинләр?! Онлар бу иғтишашлара дәстәк вериб, сизин јаныныздајыг дејә месаж верибләрми?! Олубму ки, капиталист АБШ вә онларын муздурларынын медиасы, Сәудијјә Әрәбистаны вә диҝәр реҝион дөвләтләри кими бу өлкәләрин иғтишашларыны дәстәкләдикләрини елан етсинләр?! Бу олубму ки, АБШ билдирсин ки, филан интернет програмы вә ләвазиматыны Авропадакы иғтишашчыларын ихтијарына веририк ки, раһат шәкилдә интернетләри олсун вә бир-бирилә координасија етсинләр?! Амма онлар бу дәстәкләри Ирандакы иғтишашлара дәфәләрлә верибләр. Неҹә ола биләр ки, дахилдә бир гисм хариҹи амили ҝөрмәјәк?! Ағыллы инсан бу һадисәләрин пәрдә архасында диҝәр әлин олдуғуну неҹә ҝөрмәјә биләр?!”
Һәзрәт Ајәтуллаһүл-үзма Хаменеи билдириб ки, “АБШ тәкҹә Иран Ислам Республикасы илә дејил, ҝүҹлү вә мүстәгил Иранла да дүшмәндир. Онларын истәдији шаһ режими кими бир шејдир ки, сағмал инәк кими онларын әмрләринә табе олсун.”
Ајәтуллаһүл-үзма Хаменеи өлкәнин бүтүн саһәләрдә тәрәггисинин сүрәтләнмәсинә вә бәзи көһнә дүјүнләрин ачылмасына, истеһсал секторунун вә билик базаларынын активләшдирилмәсинә вә өлкәнин санксијалары нејтраллашдырмаг имканларына ишарә едәрәк вурғулајыб: “Онлар бу инкишафын өлкәдә баш вермәсини истәмирләр, Ону дајандырмаг үчүн өлкәнин шимал-гәрбиндә вә ҹәнуб-шәргиндә университетләрин бағланмасына чалышыр вә күчәләрин тәһлүкәсизлијини позмағы планлашдырыблар.
Алимәгамлы Рәһбәр дүшмәнин өлкәнин шимал-гәрби вә ҹәнуб-шәрги илә бағлы һесабламаларынын сәһв олдуғуну вурғулајараг гејд едиб: Мән Бәлуч халгы арасында јашамышам вә онлар Ислам Республикасына чох садигдирләр, ејни илә дә күрд етносу да вәтәнә, дөвләтә вә системә чох садиг олан мүтәрәгги Иран етносларындан биридир. Она ҝөрә дә дүшмәнләрин планы ишләмәјәҹәк.
Ислам Ингилабынын Алимәгамлы Рәһбәри вурғуламышлар ки, дүшмәнләрин план вә һәрәкәтләри онларын дахили маһијјәтинин ҝөстәриҹисидир. Дипломатик бәјанатларында Ирана һүҹум етмәк вә системи дәјишмәк нијјәтиндә олмадыгларыны билдирирләр, анҹаг маһијјәтләри дәјишмир. Онлар иғтишашлар јаратмаг, өлкәнин тәһлүкәсизлијини позмаг үчүн әлләриндән ҝәләни едирләр.
