Меһди Шәмсабади вердији ачыгламада дејиб: "Илкин мәлумата әсасән, бир сыра шәхсләр бөлҝәдә гарышыглыға сәбәб олдугдан сонра гачмаға һәр бир васитә илә бөлҝәдән гачмаға чалышыблар ки, өлкәнин кәшфијјат системиндәки Имам Заманын (әҹ) намәлум әсҝәрләринин кәшфијјат туруна дүшүбләр".
Систан вә Бәлуҹистан вилајәтинин прокурору әлавә едиб: "Етиразчылар вә тәҹавүзкарларын дүшмән групларла тәшкилати бағлылығы олуб вә өлкәнин әрази бүтөвлүјүнү һәдәфә алан груплар онлары дәстәкләдикләрини билдирибләр".
Гејд едәк ки, дүнән Систан вә Бәлуҹистан вилајәтинин мәркәзи олан Заһиданда террорчуларын полис мәнтәгәсинә һүҹумундан сонра тәһлүкәсизлик гүввәләри ичәри кечәрәк, там нәзарәти әлә кечириб вә шәһәрдә һазырда там сакитлик һөкм сүрүр.
Систан вә Бәлуҹистан валиси Һүсејн Мүдәррис Хијабани мөвзу илә бағлы вердији ачыгламада, дејиб: "Полис бөлмәсинә дүнәнки басгында 19 нәфәр һәјатыны итириб, араларында тәһлүкәсизлик гүввәләринин дә олдуғу 20 нәфәр исә јараланыб. Мүәјјән шәхсијјәтләрлә сепаратчы террор тәшкилатларына бағлы хаосун архасынҹа ҝедән бәзи шәхсләр ҹүмә намазы ады алтында бөлҝәдәки полис бөлмәсинә даш вә молотов коктејли илә һүҹум едәрәк атәш ачыблар".
342/
