Иран Ислам Республикасынын Нју-Јоркдакы нүмајәндәлијинин икинҹи катиби Пејман Гәдир-Хуми тәрәфиндән БМТ Баш Ассамблејасынын сәһнәсиндә гираәт едилән Иран нүмајәндәсинин мәрузәсиндә дејилир: Әмирликләрин бу мәсул шәхсинин Фарс Көрфәзиндә јерләшән Иран адалары һагдакы иддиалары вә әсассыз иддиалары тәкрар етмәси, Иранын әрази бүтөвлүјүнә гаршы һүҹумлар сајылыр.
Гәдир-Хуми әлавә едиб: Биз белә бир мәсулијјәтсиз бәјанаты вә әсассыз иддианы Иранын дахили ишләринә мүдахилә, һәмчинин башга дөвләтләрин дахили ишләринә гарышмама вә динҹ јанашы јашама принсипләри дә дахил олмагла бејнәлхалг һүгугун әсас принсипләринин позулмасы һесаб едирик.
О, вурғулајыб: Фарс Көрфәзиндә јерләшән Әбу-Муса, Бөјүк Тонб вә Кичик Тонб кими үчлү ада Иран әразисинин ајрылмаз һиссәси олуб вә вардыр вә Иран бу адалар үзәриндәки һакимијјәтинә тәкид едир. Онун әксинә олан һәр һансы иддиа, гәтијјәтлә рәдд олунур.
Пејман Гәдир-Хуми әлавә едиб: Тәкид етмәк лазымдыр ки, Бирләшмиш Әрәб Әмирликләринин тәсис едилмәсиндән илләр өнҹәки тарихи һәгигәтләрә әсасән, бунлар Иран адалары олуб, Иранындыр вә Иранын да олараг галаҹаглар.
О, дејиб: Һәмчинин гејд етмәк лазымдыр ки, Фарс Көрфәзи термини миладдан беш јүз ил бундан өнҹәдән Әрәбистан јарымадасы илә Иран јајласы арасында јерләшән су һөвзәси үчүн ишләдилмиш јеҝанә ад олуб вә бу су һөвзәси әбәдијјәтә гәдәр елә бу адда галаҹагдыр.
342/
