сентјабрын 28-дә Ермәнистан Хариҹи Ишләр Назирлији Азәрбајҹан тәрәфинин атәшкәс режимини позмасы илә бағлы бәјанатыны әсассыз иддиа адландыран Азәрбајҹан Хариҹи Ишләр Назирлијинин бәјанатында дејилир: "Ермәнистан силаһлы гүввәләринин бөлмәләри сентјабрын 28-и саат 18:00 радәләриндә Азәрбајҹан Ордусунун Кәлбәҹәр рајону истигамәтиндәки бөлмәләрини мүхтәлиф чаплы атыҹы силаһлардан атәшә тутуб вә нәтиҹәдә Азәрбајҹан Ордусунун һәрби гуллугчусу ағыр јараланыб. Беләликлә дә Ермәнистан тәрәфинин атәшкәси позараг әл атдығы тәхрибата ҹаваб олараг Азәрбајҹан Ордусу адекват тәдбирләр ҝөрүб.
Азәрбајҹан ХИН-ин бәјанатында гејд олунур ки, бу, Ермәнистанын данышыглар просесини позмаг үчүн нөвбәти бәһанәсидир. Ермәнистан рәһбәрлији бөлҝәдәки вәзијјәти ҝәрҝинләшдирмәмәли, данышыглар просесинә гејд-шәртләр ирәли сүрмәмәли, бејнәлхалг иҹтимаијјәти иттиһам етмәк тәҹрүбәсини дајандырмалы вә данышыглар масасында әјләшмәлидир.
Бундан өнҹә ермәни тәрәфи иддиа едиб ки, Азәрбајҹан силаһлы гүввәләринин бөлмәләри Ермәнистан-Азәрбајҹан дөвләт сәрһәдинин Шәрг истигамәтиндә јерләшән дөјүш мөвгеләрини минаатанлардан вә иричаплы атыҹы силаһлардан атәшә тутуб.
Ермәнистан Мүдафиә назирлијинин мәлуматланда гејд олунур ки, Азәрбајҹанын ҝуја тәхрибаты нәтиҹәсиндә Ермәнистан тәрәфинин 3 иткиси вар.
342/
