Анатоли Антонов бу һагда јазыр: "Елә тәәссүрат јараныр ки, Русијанән нә вахта гәдәр ачыг дүшмәнчилик һәрәкәтләринә вә һүҹумлара дөзәҹәји, ҹаваб вермәкдән чәкинәҹәји сынагдан кечирилир. Әслиндә, Вашингтон вәзијјәти ҝөзләнилмәз нәтиҹәләрлә долу ән бөјүк нүвә дөвләтләри арасында бирбаша гаршыдурмаја доғру сөвг едир".
Сәфир АБШ рәсмиләринин вәзијјәти ҝәрҝинләшдирмәјә вә Русијадан ҝәлән "хәјали нүвә тәһлүкәләри" илә иҹтимаијјәти горхутмаға давам етдијинә диггәт чәкиб. Онун сөзләринә ҝөрә, бу ҹүр риторика Русија һакимијјәтинин бәјанатларыны тәһриф едир.
"Хүсусилә гејд етмәк истәрдим ки, өлкәмизин нүвә силаһындан истифадә едәҹәји шәртләрдә һеч бир дәјишиклик олмајыб. Бу бахымдан, биз 2014-ҹү ил Һәрби Доктринасына вә 2020-ҹи ил үчүн Дөвләт Нүвә Ҹиловланмасы Сијасәти Чәрчивәсинә ҹидди шәкилдә риајәт етмәјә давам едирик", - дејә Антонов әлавә едиб.
Өтән һәфтә АБШ-ын дөвләт катиби Ентони Блинкен Русијанын һипотетик олараг нүвә силаһындан истифадә едәҹәји һалда администрасијанын план һазырладығыны билдириб.
Милли тәһлүкәсизлик мүшавири Ҹејк Салливан да дејиб ки, АБШ Русијаны Украјнадакы мүнагишәдә нүвә силаһындан истифадәнин “фәлакәтли нәтиҹәләри” барәдә хәбәрдар едиб вә буна сәрт ҹаваб верәҹәјини вәд едиб.
342/
