Иранын Шәрги Азәрбајҹан вилајәтинин ингилабчы әһалиси, аз сајда алданмыш вә муздлу амилин халгын тәһлүкәсизлијини әлиндән алмаг, иҹтимаи мәканлар вә иҹтимаи әмлакы дағытмаг, гадынларын һиҹабларына һөрмәтсизлик емәк, Иран Ислам Республикасынын мүгәддәс бајрағыны вә бәзи мәсҹидләри јандырмаг, әзиз Ислам Пејғәмбәри(с.ә.с)-ин вә Гурани-Кәримин мүгәддәслијинә һөрмәтсизлик етмәк үзрә анормал һәрәкәтләрини американ-сионист бир фитнә адландырыб вә өлкәнин мәһкәмә вә тәһлүкәсизлик тәшкилатларындан империализмин муздлуларыны јерләриндә отуртмаларыны тәләб едибдир.
Гәһрәманҹасына јүрүшдә иштирак едән тәбризли намазгыланлар “Америкаја өлүм!”, “Инҝилтәрәјә өлүм!”, “Исраилә өлүм!”, “Вилајәтә Фәгиһә гаршы чыханлара өлүм!”, “Бәсиҹиләр ҹан верир, Вилајәтә ган верир!” шүарлары илә Ислам дини вә Ислам Ингилабынын, еләҹә дә ҹәмијјәтин тәһлүкәсизлијини горумаға һазыр олдугларыны елан едибләр.
Гејд едәк ки, бу ҝүн ҹүмә намазындан сонра бүтүн әјаләтләрдә Иранда сон иғтишашлары писләјән аксијалар кечирилиб.
Урмијә, Әрдәбил, Ҝилан әјаләтләри вә бу әјаләтләрин инзибати мәркәзләри вә диҝәр шәһәрләри дә аксија вә јүрүшләрин шаһиди олуб.
342/
