Әһли-Бејт
(әлејһимус сәлам) – Хәбәр Аҝентлији АБНА-нын вердији мәлумата әсасән, 10-дан чох
ермәни һәрбчиси Азәрбајҹан Республикасы ордусу тәрәфиндән әсир ҝөтүрүлүб.
СәһәрАзәри-нин Арменпресс-ә истинадән вердији мәлумата әсасән, Ермәнистанын Авропа Инсан Һаглары Мәһкәмәсиндәки нүмајәндәлијинин мәтбуат катиби Һасмик Самвелјан билдириб: “Сентјабрын 13-14-дә сәрһәд тоггушмалары заманы 10-дан чох ермәни һәрбчиси Азәрбајҹан тәрәфиндән әсир ҝөтүрүлүб.”
О дејиб ки, Авропа Инсан Һаглары Мәһкәмәси (АИҺМ) Азәрбајҹандан әсирләрлә бағлы мәлумат вермәсини истәјиб.
Хатырладаг ки, сентјабрын 13-нә кечән ҝеҹә Азәрбајҹан Мүдафиә Назирлији Ермәнистан силаһлы гүввәләринин тәхрибат төрәтмәси барәдә мәлумат јајыб. Назирликдән верилән мәлумата ҝөрә, Дашкәсән, Кәлбәҹәр, Лачын вә Зәнҝилан истигамәтләриндә иримигјаслы тәхрибат төрәдилиб. Буна ҹаваб олараг Ермәнистан Азәрбајҹан ордусунун һүҹума кечәрәк бәзи әразиләри әлә кечирдијини иддиа едиб.
Һәр ики тәрәф 2 ҝүн давам едән тоггушмаларда ҹанлы тәләфат вериб. Азәрбајҹан ордусу 79, Ермәнистан исә 135 һәбчисинин һәлак олдуғуну тәсдигләјиб.
Диггәт: Хәбәрдән Истифадә Етдикдә Мәнбәјә Истинад Лазымдыр!
