Насир Кәнани билдириб ки, Иран, Азәрбајҹан вә Русија Шимал-Ҹәнуб Бејнәлхалг дәһлизинин үзвләридир вә бу ҝүн глобал просесләрә, хүсусән дә Украјнада баш верәнләрә ҝөрә, бејнәлхалг маршрутларда јүкләрин вә енержи дашынмасы илә бағлы мөвҹуд проблемләр Шимал-Ҹәнуб дәһлизинин әһәмијјәтини бир даһа ҝөстәриб.
"Бу ҝүн реҝион вә реҝиондан кәнар өлкәләрдә бу дәһлиздән транзит мәгсәдләр үчүн истифадә етмәкдә ҹидди гәтијјәт вар вә она ҝөрә дә бу маршрутун инкишафы һәм Иран, һәм Азәрбајҹан, һәм дә Русија үчүн ваҹибдир".
О гејд едиб ки, Бакыда кечирилмәси планлашдырылан ҝөрүшдә бу дәһлизлә бағлы мәсәләләр мүзакирә олунаҹаг вә бу маршрутдан истифадәнин инкишафы илә бағлы бирҝә разылашмалар әлдә олунаҹаг.
Иран Хариҹи Ишләр Назирлијинин сөзчүсү Иран вә Азәрбајҹан һакимијјәти арасында үмуми сијаси ирадәнин мөвҹуд олдуғуну дејиб.
"Бу ҝүн ики өлкәнин һөрмәтли президентләри, назирләри вә диҝәр рәсмиләринин сијаси ирадәси сајәсиндә ики өлкә арасында әлагәләр, әмәкдашлыг мүһити ән јүксәк сәвијјәдә гурулуб вә ҝүнү-ҝүндән инкишаф едир. Азәрбајҹанла Иранын нүмајәндә һејәтләри арасында сијаси вә һәрби тәһлүкәсизлик саһәләриндә мүхтәлиф сәвијјәләрдә мүзакирәләр апарылыб, игтисади әлагәләр мөһкәмләниб”.
Н.Кәнани билдириб ки, Ҹәнуби Гафгазда баш верән просесләр Иран үчүн һәмишә мүһүм олуб вә өлкә өз мөвгејини ән јүксәк сәвијјәдә ајдын шәкилдә бәјан едиб.
О гејд едиб ки, Иран Ҹәнуби Гафгазда сабитлијин вә тәһлүкәсизлијин бәргәрар олмасына көмәк едиб.
342/
