Алимәгамлы Рәһбәрин офисинин информасија порталынын мәлуматына ҝөрә, Һәзрәт Ајәтуллаһүл-үзма Хаменеи бу ҝөрүшдә Әһли-Бејтин әзәмәтини вә етибарыны бәнзәрсиз адландырыб вә вурғулајыблар: "Иран Ислам Республикасы һеҝемонлуг системи гаршысында Әһли-Бејтин галдырылмыш бајрағы олараг, һесаб едир ки, Ислам дүнјасында һеч бир дини, етник, мәзһәб вә ирги бөлүҹү хәтт јохдур вә јеҝанә ҝөркәмли вә һәгиги бөлүҹү хәтт Ислам дүнјасы илә күфр ҹәбһәси вә дүнја империализми арасындакы сәрһәддир".
Һәзрәт Ајәтуллаһүл-үзма Хаменеи әлавә едибләр: "Бу ҝүн Ислам Республикасы бир өрнәк вә ҹанлы реаллыг олараг, һәр ҹүр дүшмәнчилик вә һүҹумлар гаршысында таб ҝәтирә вә о, тәзә фиданы гоҹа бир ағаҹа чевирә билмишдир; Әлбәттә өрнәк дедикдә, сөһбәт сијаси гурулушдан өрнәк ҝөтүрмәк дејил, Имам Хомејнинин (р.ә) принсипләринә садиг галмагдан ҝедир".
Ислам Ингилабынын Алимәгамлы Рәһбәри диҝәр халглары зоракылыг гаршысында дајанмаға сөвг етмәји һеҝемон системин гәзәб вә дүшмәнчилијинин сәбәбләриндән бири адландырыб вә билдирибләр ки, Американын ИШИД дә дахил олмагла мүхтәлиф өлкәләрдәки ҹинајәткар планларынын зәрәрсизләшдирилмәси, онун иранофобија вә шиәфобија илә бағлы сых тәблиғат апармасына вә Ираны диҝәр өлкәләрә мүдахилә етмәкдә ҝүнаһландырмасына сәбәб олуб.
Һәзрәт Ајәтуллаһүл-үзма Хаменеи Ислам Республикасынын башга өлкәләрин ишләринә гарышмадығыны вурғулајараг, һеҝемончуларын иттиһамларынын Ислам гурулушунун әһәмијјәтли тәрәггисинин гаршысыны алмагда аҹизлијиндән гајнагландығыны билдириб вә әлавә едибләр ки, тәбии ки, һәр кәс һеҝемончу сијасәтләрә гаршы ајыг олмалыдыр вә онлары мүшајиәт етмәмәлидир.
Ислам Ингилабынын Алимәгамлы Рәһбәри Ислам дүнјасындакы ихтилафлары вә гејри-реал бөлүҹү хәтләрини шиширтмәји дүнја империалистинин буҝүнкү сијасәти адландырыб вә гејд едибләр ки, һазырда бәзи өлкәләрдә мүшаһидә едилән шиә илә сүнни, әрәб илә гејри-әрәб, шиә илә шиә вә сүнни илә сүнни арасында мүһарибәнин гызышдырылмасы вә планлашдырылмасы бөјүк шејтан Американын һијләләриндәндир ки, онун гаршысында ајыг олмаг лазымдыр.
Ајәтуллаһүл-үзма Хаменеи сонда бујурублар ки, Ислам дүнјасынын ҝәләҹәји парлагдыр вә шиә ҹамиәси бунда бөјүк рол ојнаја биләр.
342/
