Гәрбин Украјна мүһарибәси бәһанәси илә Русијаја гаршы санксијалары Гәрб өлкәләринин игтисадијјатына ҹидди мәнфи тәсир ҝөстәриб вә бу өлкәләрдә мисли ҝөрүнмәмиш инфлјасијаја, газ вә јанаҹағын гијмәтләринин артмасына сәбәб олуб, Авропа исә игтисади бөһранын кәскинләшмәси вә јанаҹаг чатышмазлығы илә үз-үзә галыб.
Бунунла белә Гәрб дөвләтләри Русијаја гаршы дүшмәнчилик сијасәтини давам етдирмәкдә исрарлыдырлар.
"ИРНА"нын мәлуматына ҝөрә, "Дисарм Рһеинметалл" вә ја "Рһеинметалл-ы тәрксилаһ ет" ады илә танынан анти-милитарист алјансынын фәаллары Алманијанын Кассел шәһәриндәки "Краусс-Маффеи Wеҝманн" силаһ истеһсалы заводунун гаршысында аксијасы кечирәрәк, силаһ истеһсалына вә Украјна да дахил олмагла башга өлкәләрә тәдарүк едилмәсинә етираз едибләр.
"Дисарм Рһеинметалл" һәрәкатынын фәаллары дүнјанын бешинҹи ән бөјүк силаһ ихраҹатчысы олан Алманијада силаһ истеһсалыны вә Украјнаја чатдырылмасыны дајандырмаг үчүн өлкә дахилиндә етираз аксијаларына чағырыблар.
Алманија полиси етиразчыларла тоггушуб вә онлара гаршы бибәр газы вә дәјәнәкләрдән истифадә едиб. Нүмајишчиләр дә полис әмәкдашларына әшјалар атыблар ки, нәтиҹәдә 8 полис јараланыб.
Полисин мәлуматына ҝөрә, бунунла бағлы ән азы бир нәфәр һәбс едилиб.
Алманијанын хариҹи ишләр назири Анналена Бербок Украјна илә һәмрәјлик барәдә вердији ачыгламада дејиб: "Алманија сечиҹиләринин нә дүшндүјүнү вә ја онларын һәјатынын нә гәдәр чәтин олмасынын әһәмијјәти јохдур, мән Украјнаја үстүнлүк верәҹәм".
Алманија хариҹи ишләр назиринин сосиал шәбәкәләрдәки бу ачыгламалары алманлар вә дүнја халглары тәрәфиндән чохлу мәнфи реаксијаларла үзләшиб.
Алманија канслери Олаф Шолтс да бундан әввәл сөз вермишди ки, Берлин нә гәдәр лазым оларса, Украјнаны дәстәкләмәјә давам едәҹәк.
Өтән һәфтә Алманијанын Игтисадијјат Назирлији бу ил өлкәнин Украјнаја һәрби техника ихраҹынын артдығыны ачыглајыб.
342/
