кечмиш сәфир Нәдал Гәблан "Спутник" хәбәр аҝентлијинә мүсаһибәсиндә вурғулајыб ки, Дәмәшгин Анкара илә мүнасибәтләри бәрпа етмәк үчүн ирәли сүрә биләҹәји ән мүһүм тәләбләр силаһлы гүввәләринин Сурија әразисиндән чыхарылмасы вә террор групларына дәстәјин дајандырылмасыдыр.
Сабиг сәфир әлавә едиб: "Түркијә-Сурија мүнасибәтләриндә трансформасија Сочи вә Теһран ҝөрүшүндән сонра баш верди. Түркијә башчылары вә Анкара һөкумәти Суријада һәрби ҝүҹлә дәјишиклик етмәјин мүмкүн олмадығына инандылар. Она ҝөрә дә сијаси һәллдән башга вариант јохдур.
Н. Гәблан Дәмәшгин Анкара илә мүнасибәтләри бәрпа етмәк үчүн ирәли сүрә биләҹәји ән мүһүм тәләбләр барәдә дејиб: "Түркијә террор груплашмаларына дәстәји дајандырмалыдыр, Идлибин там нәзарәти вә суверенлијинин Дәмәшг һөкумәтинә вә бу әјаләтдәки Баб әл-Һави кечиди вә диҝәр ишғал олунмуш вилајәтләр дә дахил олмагла әразиләрин Сурија һөкумәтинә гајтарылмасына көмәк етмәлидир. Дәмәшг һәмчинин Анкарадан өз гүввәләрини Суријадан чыхармағы вә орадакы силаһлы бирләшмәләри ләғв етмәји тәләб едир.
Дипломат вурғулајыб ки, јалныз бу тәләбләр Анкара тәрәфиндән гәбул оланарса, Түркијә үчүн Сурија һөкумәти илә мүнасибәтләрдә јени сәһифә ачмагдан данышмаг олар.
Дәмәшгин Анкарадакы сабиг сәфири мүсаһибәсинин давамында дејиб: "Түркијәнин мүдахиләси вә чохлу агрессив вә һүҹум һәрәкәтләри сәбәбиндән ағыр хәрҹ өдәмиш Сурија мүнасибәтләрин јахшылашдырылмасыны тәмәннасыз вә ја уҹуз гијмәтә едә билмәз. Даһа доғрусу, бу хәрҹ Әрдоғанын Түркијәнин Суријаја мүдахиләсинин вурдуғу зијан, дағынты гәдәр олмалыдыр."
Гејд едәк ки, сечки кампанијасына гәдәм гојан Түркијәнин һазыркы президенти Рәҹәб Тәјјиб Әрдоған һөкумәтинин сон вахтлар Дәмәшглә мүнасибәтләри бәрпа етмәк сәјләри артмышдыр вә КИВ-ләр дә ики өлкә лидерләри арасында диалогун мүмкүнлүјүнү јазыр.
342/
шәрһиниз
