АБНА24 Хәбәр Верир , Ҝөрүшдә игтисади дипломатијанын Иран Ислам Республикасынын хариҹи сијасәтиндәки әһәмијјәтинә ишарә едән Әмир-Абдуллаһијан онун бәзи приоритет саһәләрини бәјан едиб.
Иран Ислам Республикасынын хариҹи ишләр назири сонра Иранын реҝионал вә бејнәлхалг нәглијјат вә транзит, еләҹә дә өлкәнин нефт-газ сәнајеси саһәләриндәки јүксәк имканларына диггәт чәкиб,/ гоншу өлкәләрлә һәмкарлыг вә тиҹарәтин ҝенишләндирилмәсини Иран Ислам Республикасынын сијасәт вә гоншулуг приоритетләриндән адландырыб.
Әмир-Абдуллаһијан һәмчинин коронадан сонракы дөврдә дүнја игтисадијјатынын јенидән гурулмасы ваҹиблијинә ишарә едиб.
Иранын хариҹи ишләр назири Гәтәрдә кечирилән газ ихраҹ едән өлкәләрин саммитиндә Иран президентинин “коронадан сонракы дөврдә дүнја игтисадијјатынын јенидән гурулмасы үчүн газ” адлы тәшәббүсүнү бу истигамәтдә дәјәрләндириб,/ бу тәшәббүсүн имканларыны танытдырмаг мәгсәдилә Иранын Дүнја Игтисади Форуму илә бирҝә ишләмәјә һазыр олдуғуну билдириб.
Дүнја Игтисади Форумунун сәдри дә Иранын игтисади дипломатијасыны, хүсусән гоншулары илә анлашмалары ҝенишләндирмәсини алгышлајыб. Бјөрҝе Бренде Фарс Көрфәзи әтрафындакы өлкәләрин рәсмиләринин Давос-2022 форумунда Иранла игтисади әмәкдашлыглары ҝенишләндирмәјә мараглы олдугларыны билдирдикләрини нәзәрә чатдырыб вә Дүнја Игтисади Форумунун Иран хариҹи ишләр назиринин тәклифләрини арашдырмаға һазыр олдуғуну билдиирб.
Бјөрҝе Бренде һәмчинин үмид етдијини билдирибдир ки, Иранла дүнја гүдрәтләри арасында Ирана гаршы гәддарҹасына вә ганунсуз санксијаларын арадан галдырылмасына истигамәтләнмиш нүвә анлашмасы мүзакирәләри ҝөзләнилән нәтиҹәјә чатаҹаг вә реҝион вә дүнја игтисадијјатларынын бәрпасы саһәсиндә Иранын имканларындан бәһрәләнмәјә даһа чох шәраит јаранаҹаг.
342/
28 may 2022 - 15:17
Xəbər kodu: 1261826
Иран Ислам Республикасынын хариҹи ишләр назири Һүсејн Әмир-Абдуллаһијан Исвечрәнин Давос шәһәриндә кечирилән Дүнја Игтисади Форумунун кәнарында форумун сәдри Бјөрҝе Бренде илә ҝөрүшүб.
