Әһли-Бејт (әлејһимус сәлам) – Хәбәр Аҝентлији АБНА-нын вердији мәлумата әсасән, Русија гошунлары “Исҝәндәр-М” оператив-тактики ракет комплексләрини Беларусда, Украјна сәрһәдиндән 50 км аралыда јерләшдириб вә Русија-Украјна сәрһәди јахынлығында мөвгеләрини мөһкәмләндирирләр.
Бу барәдә Украјна Силаһлы Гүввәләри Баш Гәрарҝаһынын мајын 24-дә вердији мәлуматда билдирилир.
“Беларус Республикасы әразисиндән дөвләтимизин објектләринә ракет вә һава зәрбәләри ендирилмәси тәһлүкәси артыр. Тәҹавүзкар “Исҝәндәр-М” ОТРК дивизијасыны Брест вилајәтиндә, Украјнанын дөвләт сәрһәдиндән 50 километр аралыда јерләшдириб”, – дејә мәлуматда билдирилир.
Беларус Силаһлы Гүввәләринин бөлмәләри Брест вә Гомел вилајәтләриндә, Беларус-Украјна сәрһәдинин Волын вә Полиссја истигамәтләриндә јерләшиб.
Северск истигамәтиндә исә Русија Брјанск вә Курск вилајәтләриндә Украјна-Русија сәрһәдинин мүдафиәсинин ҝүҹләндирилмәси вә Украјна гошунларынын башга истигамәтләрә кечмәсинин гаршысынын алынмасы истигамәтиндә тәдбирләри давам етдирир.
Погар бејнәлхалг автомобил кечид мәнтәгәси вә Брјанск вилајәтинин Случевск гәсәбәси әразиләриндә дә охшар һаллар мүшаһидә олунур.
Хатырладаг ки, бир ај әввәл, апрелин 24-дә руслар Украјна сәрһәдиндән 60 км аралыда, Русија Федерасијасынын Белгород вилајәтиндә, Слобожан истигамәтиндә “Исҝәндәр-М” ОТРК бурахылыш гурғуларыны јерләшдирмишдиләр.
Диггәт: Хәбәрдән Истифадә Етдикдә Мәнбәјә Истинад Лазымдыр!
