АБНА24 Хәбәр Верир , Италијанын Турин шәһәриндә Авропа Шурасынын 132-ҹи Назирләр Сессијасында чыхыш едән ермәнистанлы назир гејд едиб ки, Ермәнистан Азәрбајҹанла мүнасибәтләрин нормаллашдырылмасы үчүн “дәрһал һәгиги, конструктив” данышыглара башламаға һазырдыр
Дағлыг Гарабағда 2020-ҹи илдә баш вермиш 44 ҝүнлүк мүһарибәни хатырладан назир дејиб ки, Азәрбајҹан Гарабағ мүнагишәсинин артыг һәлл олунмасында исрар едир вә сүлһә һазыр олдуғуну билдирир: “Әҝәр бу, беләдирсә, онда биз нә үчүн һәрби әсирләрин гајтарылмасы, онларын дәрһал азад едилмәси уғрунда һәлә дә мүбаризә апарырыг?”.
Арарат Мирзојаны бу тәнгидләри сәсләндирдикдән сонра билдириб ки, рәсми Ирәван реҝионда сүлһ вә чичәкләнмәнин бәргәрар олмасы үчүн данышыглар просесинә садигдир.
Мирзиојан бир даһа тәнзимләмә просесинә АТӘТ-ин Минск групу һәмсәдрләринин ҹәлб олунмасынын әһәмијјәтини вурғулајыб вә дејиб ки, Авропа Шурасы да өз мандаты чәрчивәсиндә бу просесә төһфә верә биләр.
Гејд едәк ки, Азәрбајҹан гоншу өлкә илә сүлһ үчүн 5 тәклиф ирәли сүрүб, Ермәнистан бу тәклифләрдә проблем ҝөрмәдијини билдирсә дә, Гарабағ ермәниләринин һүгуглары вә тәһлүкәсизлији мәсәләсинин һәллиндә исрарлыдыр. Мирзојан бу барәдә дејиб ки, Азәрбајҹан Дағлыг Гарабағын статусу мәсәләсинин данышыгларын ҝүндәлијинә салынмасы һагда Ирәванын тәклифинә ҹаваб вермир.
342/
23 may 2022 - 15:04
Xəbər kodu: 1260106
Ермәнистанын хариҹи ишләр назири Арарат Мирзојан дејиб ки, Дағлыг Гарабағ јалныз әрази јох, һәм дә ләјагәтләринә һөрмәт тәләб олунан инсанлардыр.
