АБНА24 Хәбәр Верир , “База” нәшри мәлуматлы мәнбәләрә истинадән иддиа едиб ки, Ермәнистанын баш назири Никол Пашинјан етираз аксијаларынын јатырылмасы үчүн КТМТ гошунларынын Ирәвана јеридилмәсини хаһиш едиб вә Москваја сәфәри заманы Пашинјан Газахыстан ссенариси тәкрарланаҹағы тәгдирдә Коллектив Тәһлүкәсизлик Мүгавиләси Тәшкилаты үзвләриндән Ирәвана гошун јеридилмәсинә разылыг алмаға чалышыб.
“База” нәшринин јаздығына ҝөрә, Русија президентинин администрасијасы Пашинјандан тәклифи ҝери чәкмәји тәләб едиб. Әкс һалда тәклифин КТМТ-нин иҹласынын ҝүндәлијиндән рәсми шәкилдә чыхарылаҹағы билдирилиб.
Мәнбә билдирир ки, Пашинјан Путинлә ҝөрүшмәк үчүн 5 саат ҝөзләмәли олуб. Лакин бу ҝөрүшдән дә һеч бир нәтиҹә һасил олмајыб.
Нә Русија, нә дә Ермәнистан һөкумәти бу мәлумата реаксија вермәјибләр. Тәкҹә бир шеји тәхмин етмәк олар ки, Ермәнистанда радикал мүхалифәт вә реваншистләр өз аддымлары илә Гәрбин диггәтини чәкмәјә вә Русијанын марагларына тәһлүкә јаратмаға чалышырлар, лакин Пашинјан тәрәфдарларынын чохлуг тәшкил етдијинә хатир итаәтсизлик аксијалары һәләлик ҹидди бир нәтиҹә ортаја гојмајыб.
Хатырладаг ки, бу ҝүн сәһәр саатларындан Јереванын мүхтәлиф јерләриндә вәтәндаш итаәтсизлији аксијалары кечирилир. Фәаллар Јереванын мәркәзи күчәләри илә јүрүш едәрәк, бәзи һиссәләрдә мүвәггәти олараг јоллары бағлајырлар.
342/
20 may 2022 - 13:33
Xəbər kodu: 1259168
Ермәнистан мүхалифәти иддиа едир ки, Пашинјан Кремлдән КТМТ гүввәләринин Ирәвана јеридилмәсини хаһиш едиб.
