АБНА24 Хәбәр Верир , сепаратчыларын һазыркы "рәһбәри" Анатоли Бибилов бунунла бағлы референдум тәјин едиб.
Хатырладаг ки, 2008-ҹи илдә Ҝүрҹүстанын о вахткы президенти Михаил Саакашвили Ҹәнуби Осетијаја нәзарәт уғрунда мүһарибә апарды, лакин онун бу ҹәһди уғурсузлугла үзләшди вә Гәрб мүттәфигләри дә Ҝүрҹүстана көмәк етмәдиләр. О заман Москва һөкумәти Ҹәнуби Осетија илә јанашы Абхазијаны да мүстәгил дөвләт кими таныды вә һәмин ики бөлҝәдә һәрби базалар јаратды.
Сепаратчы Абхазија вә Ҹәнуби Осетија бөлҝәләри Ҝүрҹүстанын мәркәзи һөкумәтиндән де-факто шәкилдә ајрылыблар. Хүсусән дә 2008-ҹи илдәки мүһарибәдән сонра Ҹәнуби Осетија силаһлылары вә рус гошунлары бөлҝәјә нәзарәти там әлә кечирмишләр.
Ајдын мәсәләдир ки, референдумун кечирилмәси Бибиловун өз гәрары дејил. Она тәлимат бирбаша Кремлдән ҝәлиб. Ола билсин ки, рәсми Москва Украјна мүһарибәсинә башынын гарышдығы бир заманда Ҹәнуби Гафгазы да бош гојмаг истәмир вә бу јолла реҝионда стратежи марагларындан ваз кечмәдијини нүмајиш етдирир. Әлбәттә ки, Русијанын Украјна илә мүһарибә фонунда Ҝүрҹүстанла да мүһарибә етмәси реал дејил. Зира бу, Кремл үчүн мөвҹуд вәзијјәтин даһа да ағырлашмасы илә нәтиҹәләнә биләр. Лакин сепаратчы режимин гәрары истәр истәмәз Кремлин Тифлисә ачыг хәбәрдарлығыдыр. Рәсми Тифлис Русија-Украјна мүһарибәсиндә максимум еһтијатлы мөвге сәрҝиләсә дә, Авропа Иттифагына үзв олмаг истигамәтиндә фәалијјәтини дајандырмајыб. Кремл дә мәһз бунун гаршысыны алмаг үчүн Тифлисә тәзјигләрини артырмаг истәјир.
Бу арада Русијанын постсовет мәканындакы танынмамыш "республикалар”ла бағлы вердији гәрар Гарабағла бағлы да ҹидди нараһатлыг јарадыр. Һәтта белә иддиалар сәсләнир ки, Русија Гарабағын да “мүстәгилијини” таныја биләр. Амма бу еһтималын индики һалда реаллашмасы мүмкүн дејил. Чүнки һазырда Азәрбајҹан илә Русија арасында о һәддә бир проблем јохдур ки, Кремл белә бир гәрар версин, амма руслар Гарабағ картындан да ваз кечмәзләр, истәнилән һалда ондан фајдаланаҹаглар.
Она ҝөрә дә Азәрбајҹан Республикасы бәри башдан Ҝүрҹүстанын сепаратчы бөлҝәләриндә кечирилән сечки вә ја референдумлары гәбуледилмәз вә гејри-гануни сајыр. Бу артыг ондан ирәли ҝәлир ки, Ҹәнуби Осетија вә ја Абхазијанын јени статусу Гарабағ ермәниләри үчүн бир преседентә чеврилә биләр. Бу сәбәбдән рәсми Бакы Ҝүрҹүстанын әрази бүтөвлүјүнү бирмәналы шәкилдә дәстәкләјир вә гоншу өлкәдә һәр һансы сечки вә ја референдумун кечирилмәсинин гәти әлејһинәдир.
342/
16 may 2022 - 09:05
Xəbər kodu: 1257945
Ҝүрҹүстанын Ҹәнуби Осетија бөлҝәсиндәки сепаратчылар ијулун 17-дә бөлҝәнин Русијаја бирләшмәсинә даир референдум кечирмәк нијјәтиндәдир.
