"Нормаллашмаја ҝедән өлкәләр шәһидә Әбу-Агиләнин шәһадәтиндән утанмалыдырлар"

АБНА24 Хәбәр Верир , Ливан Һизбуллаһ Һәрәкатынын баш катиби Сејид Һәсән Нәсуллаһ, ҹүмә ҝүнү сечки кампанијасында етдији чыхышында дејиб: "Ширин Әбу-Агилә узун илләр дүшмәнин ҹинајәтләринин, Фәләстин халгынын мәзлумлуғунун, гәтлләрин вә инсан һагларынын позунтуларынын шаһиди олуб вә бу ҝүн о ҹинајәтләрдән бириндә мәзлумҹасына шәһид олду".

Ширин Әбу-Агиләнин шәһадәтинин архасында дуран ҝүҹлү месаж онун христиан олмасыдыр, дејән Һизбуллаһ рәһбәри вурғулајыб: "Исраил дүшмәни Фәләстиндә мүсәлман вә христиан арасында фәрг гојмур. Исраил режиминин гәддар тәбиәтинин Фәләстиндә, Мисирдә вә Ливанда бәнзәр тәзаһүрләри вар. Бу дүшмәнин реаллығы вә онун вәһшилији дәјишмәјиб".

Ливан Һизбуллаһынын баш катиби бу ҹинајәтдән илк хәҹаләт чәкәнләрин сионист варлыг илә әлагәләрин нормаллашдырылмасыны тәләб едәнләр олдуғуну билдирәрәк, гејд едиб ки, һәр кәс режимин иргчи вә гејри-инсани сијасәтләринин риски алтындадыр.

Нәсруллаһ, һәмчинин Ливандакы һадисәләрә дә тохунараг, дејиб: "Бир даһа хатырлатмалыјам ки, һазырда сечки кампанијасынын тәркиб һиссәси олан Иран вә Сурија ишғалчылара гаршы мүгавимәтә көмәк едибләр, АБШ вә бәзи әрәб өлкәләри исә Исраилә дәстәк вериб".

Ливан Һизбуллаһынын баш катиби әлавә едиб: "Сионист дүшмән Ливан халгынын мүгавимәтдән вә мүгавимәтин силаһларындан әл чәкмәсини истәјир вә мүһасирә, тәзјиг, иттиһамлар вә фактлары тәһриф етмәклә мүгавимәти тәҹрид етмәјә чалышыр".

Нәсруллаһ мүгавимәтин силаһынын нә електрик енержиси планынын һәјата кечирилмәсинә вә ја бәндләрин тикинтисинә мане олмадығыны, нә дә ки, өтән декадалардакы фаҹиәли малијјә сијасәтләрини тәјин етмәдијини билдирәрәк, дејиб: "Бу АБШ-дыр ки, өзүнә бағлы групларла бирликдә әманәтчиләрин пулларыны гачагмалчылыг јолу илә Ливандан чыхарыр вә Ливан халгыны аҹ сахламаға чалышыр".

342/