Ермәнистанда ҹәрәјан едән олајларын пәрдәархасы нәдир?

АБНА24 Хәбәр Верир , Кремлин сөзчүсү Москванын Ермәнистанда вәзијјәтин тезликлә сабитләшмәсиндә мараглы олдуғуну вурғулајыб.

Русијанын дөвләт рәсмиси һәмчинин Ермәнистанда мүхалифәтин митингләрини тамамилә Ирәванын дахили иши адландырыб: “Бу, тамамилә вә бүтүнлүклә Ермәнистанын дахили ишидир. Ермәнистан билдијиниз кими, бизим мүттәфигимиздир, бизим үчүн чох ваҹиб олан бир нечә интеграсија форматында тәрәфдашымыздыр. Ермәнистан бизим достумуздур. Она ҝөрә дә, әлбәттә, биз мараглыјыг ки, ән гыса заманда бу дөвр битсин вә јенидән сабитлик дөврү башласын”, – дејә Кремлин сөзчүсү гејд едиб.

Песков әлавә едиб ки, Ермәнистанда сабитлик дөврү Русија Президентинин иштиракы илә јекунлашан Гарабағ үзрә үчтәрәфли бәјанатларын иҹрасыны мәрһәләли шәкилдә һәјата кечирмәјә имкан верәҹәк.

Бунунла белә фәргли мөвгедән чыхыш едән сијаси даирәләрин гәнаәтинҹә сон вахтлар Азәрбајҹанла Ермәнистан арасында әлагәләрин нормаллашмасы истигамәтиндә ирәлиләјиш Кремли гане етмир вә бу сәбәбдән дә Ирәванын Брүсселә үз тутмасынлн гаршысыны алмаг үчүн Кремл өз тәзјиг васитәләрини ишә салыб. Бир сөзлә Ермәнистаны Гәрбдән гопармаг сијасәти јүрүдүлүр. Одур ки, бир чох експертләр фикирләшир ки, Русија дахилдә хаос јаратмагла Пашинјаны ҹәзаландырыр вә ја ону өзүнә табе етмәк истәјир.
Икинҹи бир тәрәфдән, Русија ојун гајдаларынын елә гурур ки, истәнилән анда Пашинјаны КТМТ-јә мүраҹиәт етмәк мәҹбуријјәтиндә гојсун. Әслиндә бу, истисна дејил. Јәни Етмәнистанда критик вәзијјәт јаратмагла Русијанын рәһбәрлик етдији КТМТ гүввәләри Ермәнистана мүдахилә едә биләр.

Хатырламаг јеринә дүшәр ки, бир нечә ај әввәл Газахыстанда охшар һадисәләр олмушду: әввәлҹә аксијалар башламыш, ардынҹа КТМТ- нин сүлһмәрамлы континҝенти Газахыстана ҝирди, ардынҹа исә Нурсултан Назарбајев һакимијјәтдән узаглашдырылды вә Токајев ишләри Русијаја тапшырмалы олду.

Инди Ермәнистанда мүхалифәт һәр кәс тәрәфиндән истигамәтләндирилсә дә, Русија орада һадисәләри диггәт мәркәзиндә сахлајыр. Кремл истәр Пашинјан һөкумәти олсун, истәрсә дә мүхалифәтин Гәрбә јөнәлмәсинә имкан вермәјәҹәкдир. Москва һесан едир ки, КТМТ-јә еһтијаҹ олмадан белә, ермәни сијаси гүввәләринин бир-биринин васитәсилә нејтраллашдырмаг мүмкүндүр.

342/