Лавров: Санксијалар Русија халгынын ирадәсини гыра билмәјәҹәк

АБНА24 Хәбәр Верир , Серҝеј Лавров дејиб: "Санксијалар тарихи һәгигәти мүдафиә етмәк вә гануни марагларыны горумаг нијјәтиндә олан Русија халгынын ирадәсини гыра билмәјәҹәк. Һеч бир ҹәза Русија Федерасијасынын гануни марагларыны мүдафиә етмәјә вә сәрһәдләримиздә бирбаша тәһлүкәләрин јаранмасынын гаршысыны алмаға јөнәлмиш ирадәсини гыра билмәз".

Онун сөзләринә ҝөрә, һазырда дүнјанын талеји вә онун биргүтблү олуб-олмајаҹағы мүәјјәнләшдирилир. Лавров билдириб ки, Русија дүнја өлкәләринин бөјүк әксәријјәти илә бирликдә әдаләтли дүнја низамынын тәрәфдарыдыр.

Лавров әлавә едиб ки, Русијанын бүтүн сәјләри америкалыларын ујдурдуғу вә һамыја тәтбиг етдији гајдалар кими бәзи сахта конструксијалара дејил, Икинҹи Дүнја Мүһарибәси нәтиҹәсиндә јарадылмыш БМТ Низамнамәсинә әсасланыр.

ХИН рәһбәри билдириб ки, Гәрб насизми һәр ҹүр ағартмаға, мүасир Авропада насист тәзаһүрләрини тәшвиг етмәјә чалышыр.

"Тарихимизин шанлы сәһифәләрини инди Гәрб биздән гопармаға, бүтүн ҝөрүлән ишләрин үстүндән хәтт чәкмәјә чалышыр. Садәҹә насизм үзәриндә галиб ҝәләнләри ҹинајәткарларла ејниләшдирмәјә чалышмырлар, һәм дә бизи бу мүһарибәнин әсас ҝүнаһкарына чевирмәјә вә насизми һәр ҹүр ағартмаға, мүасир Авропада насист тәзаһүрләрини тәшвиг етмәјә чалышырлар", - дејә назир билдириб.

Онун сөзләринә ҝөрә, Русијаја вә руслара гаршы тәблиғат мүһарибәси башланыб ки, бу да иргчилик вә ајры-сечкилијин тәзаһүрүдүр, бу инди абсурд һәддә чатдырылыр.

Бу арада Русија Хариҹи Ишләр Назирлијинин Информасија вә Мәтбуат Департаментинин директор мүавини Алексеј Зајтсев дејиб ки, Русијанын Украјнада нүвә силаһындан истифадә етмәси гејри-мүмкүндүр, чүнки бу, хүсуси һәрби әмәлијјатын тапшырыглары илә ујғун ҝәлмир.

Онун дедијинә ҝөрә, нүвә силаһындан мүмкүн истифадәмизин ссенариләри Русијанын доктринал сәнәдләриндә ајдын шәкилдә јазылыб. Онлар Украјнада кечирилән хүсуси һәрби әмәлијјат заманы гаршыја гојулан вәзифәләрин һәјата кечирилмәсинә аид едилмир”, - дејә Зајтсев вурғулајыб.

342/