АБНА24 Хәбәр Верир , Түркијә халгы ајлар өнҹәдән пис ҝүнләр кечирир. Түркијәдә игтисади бөһран лирәнин дәјәринин азалмасындан башланды вә инфлјасија, ишсизлик вә бунун ардынҹа да јохсуллуг вә тәбәгәләрарасы фәргин артмасы илә давам етди.
Индијәдәк Рәҹәб Тајјыб Әрдоғанын игтисади дурумун јахшылашмасына даир бүтүн тәдбирләри вә әлбәттә ки, бүтүн вәдләри уғурсуз галыбдыр.
Апарылмыш рәј сорғусу ҝөстәрир ки, Түркијә халгынын демәк олар ки, бөјүк бир һиссәси өлкәсинин игтисади дуруму илә бағлы пис бахыша маликдир.
Ипсус мүәссисәсинин дүнјанын 27 өлкәсинин халгларынын өз өлкәсинин игтисади вәзијјәтилә бағлы бахышы барәдәки рәј сорғусундан әлдә олунан нәтиҹәләрә әсасән, Түркијә халгынын нөгтеји-нәзәринҹә, бу өлкә пис игтисади вәзијјәтдәдир.
Ипсус-ун мәлуматына ҝөрә, Түркијә халгынын 82 фаизи бу өлкәнин игтисади вәзијјәтини пис адландырыр.
2022-ҹи илин апрел ајында апарымыш рәј сорғусунда Түркијә вәтәндашларынын 58 фаизи башлыҹа олараг, инфлјасија вә јохсуллугдан ниҝаран олдуғуну билдирибдир.
Бу рәј сорғусунда Түркијә, халгын инфлјасија ҝөстәриҹисиндән ниҝаран олмасы бахымындан Арҝентинадан сонра икинҹи јердә дуруб.
Түркијәдә инфлајасијадан олан ниҝаранчылыг о һәддәдир ки демәк олар ки, ҹәмијјәтин бүтүн тәбәгәләринин диггәтини өзүнә тәрәф јөнәлдибдир.
Ипсус-ун мәлуматына ҝөрә, Түркијә халгынын тәкҹә сәккиз фаизи иглим бөһраныны өзүнүн әсас ниҝаранчылығы кими тәгдим едибдир.
342/
5 may 2022 - 04:17
Xəbər kodu: 1254655
Түркијәдә апарылмыш рәј сорғусу бу өлкә халгынын өз өлкәсинин игтисади дурумундан ниҝаран олмасындан сөз ачыр.
