Алимәгам Рәһбәр университет тәләбәләри илә ҝөрүш кечирибләр

АБНА24 Хәбәр Верир , Бу барәдә Һәзрәт Ајәтуллаһүл-үзма Хаменеинин Әсәрләринин Горунмасы вә Нәшри Идарәсинин информасија порталы мәлумат јајыб.

Мәлумата әсасән, бу ҝөрүш Теһранда Имам Хомејни (р.ә) адына Һүсејнијјәдә вә сәһијјә протоколларына риајәт едиләрәк, һәјата кечирилиб.

Һәзрәт Ајәтуллаһүл-үзма Хаменеинин мүраҹиәтиндән әввәл тәләбә бирликләринин нүмајәндәләри чыхыш едиб, өз фикирләрини билдирибләр.

Ислам Ингилабынын Алимәгам Рәһбәри бу ҝөрүшдә бујурублар: Ингилабын университетләр үчүн ҝөрдүјү бөјүк иш онлара кимлик вермәк вә нәтиҹәдә Иран милләтинә кимлик вермәк иди.

Һәзрәт Ајәтуллаүл-үзма Хаменеи әлавә едибләр: "Ингилаб милләтә шәхсијјәт һисси, характер вә мүстәгиллик һисси вә ајдын үфүг верди; Тәбии ки, бир халгда милли кимлик вә идеаллашма һәрәкаты оланда ондан ән чох фајдаланан ҝәнҹ академикләр вә ҝәнҹ тәләбәләрдир. Ҝәнҹ тәләбәләр өз дујғулары, биликләри вә тәмизлији илә университетә ​​кимлик вердиләр вә бу кимлик һисси университетин вә тәләбәләрин Гәрб дөвләтләри гаршысында өзүнү зәиф вә ашағы һисс етмәмәсинә сәбәб олду".

Ислам Ингилабынын Мүәззәм Рәһбәри даһа сонра бујурублар: "Ислам Республикасы университетлә фәхр едә биләр, чүнки индики университет һәгигәтән ингилабын әввәлиндәки университетлә мүгајисә олуна билмәз. Тәләбә сајына ҝөрә, о ҝүн өлкәнин бүтүн университетләриндә јүз әлли минә јахын тәләбә вар иди. Бу ҝүн университетләрдә тәләбәләрин сајы милјонларладыр. Ингилабын әввәлиндә Теһран университетләринин бүтүн профессорлары тәхминән беш мин нәфәр иди. Бу ҝүн бизим он минләрлә ҝөркәмли вә сечилән профессорларымыз вар”.

О Һәзрәт чыхышыны белә давам етдирибләр: "Елми тәрәгги бахымындан буҝүнкү университетләри Ингилабын әввәлиндәки елми наилијјәтләрлә мүгајисә етмәк олмаз. Һәгигәтән дә о ҝүн университетдә елми иш бахымындан фәхр едәҹәјимиз һеч нә јох иди. Бу ҝүн Аллаһын лүтфү илә университетдә бөјүк елми ишләр апарылыб вә давам етдирилир".

Алимәгам Рәһбәр даһа сонра буҝүнкү бејнәлхалг низама ишарә едәрәк, билдирибләр ки, АБШ инди кечмишлә мүгајисәдә һәр бахымдан даһа зәиф вәзијјәтдәдир.

"Америка дахилдә, дахили сијасәтиндә, хариҹи сијасәтиндә, игтисадијјатында, тәһлүкәсизлијиндә, һәр шејдә ијирми ил әввәлки илә мүгајисәдә инди даһа зәифдир. Дүнја јени низамын шаһиди олур вә дүнјада јени бејнәлхалг низам јараныр", - дејә о Һәзрәт гејд едибләр.

Һәзрәт Ајәтуллаүл-үзма Хаменеи әлавә едибләр: "АБШ Совет Иттифагынын дағылмасындан сонра дүнјада јеҝанә һеҝемон олмаг вә биргүтблү систем гурмаг истәсә дә, һәр ҹәһәтдән уғурсузлуға дүчар олуб".

342/