АБНА24 Хәбәр Верир , Азәрбајҹан Республикасы сон илләрдә Иранла мүхтәлиф саһәләрдә, хүсусилә нәглијјат, енержи вә тиҹарәт саһәләриндә әмәкдашлығы ҝенишләндирмәк истәјән гоншу өлкәләрдән биридир.
2021-ҹи ил нојабрын 28-дә Ашгабадда Игтисади Әмәкдашлыг Тәшкилатынын зирвә топлантысы чәрчивәсиндә ики өлкә президентләринин ҝөрүшүндән сонра Иран вә Азәрбајҹан Республикасы арасында әлагәләр јени сүрәт газаныб. Бундан сонра ики өлкә рәсмиләри арасында әлагәләрин, о ҹүмләдән тиҹарәт вә игтисадијјат саһәләриндә ҝенишләндирилмәси мәгсәди илә данышыглар давам етдирилиб.
ИРНА-нын мәлуматына ҝөрә, Иранын хариҹи ишләр назиринин игтисади дипломатија үзрә мүавини Меһди Сәфәри Азәрбајҹан Республикасында гысамүддәтли сәфәрдә олуб вә Азәрбајҹан баш назиринин мүавини вә Иран-Азәрбајҹан Һөкумәтләрарасы Бирҝә Игтисади Әмәлдашлыг Комиссијанын һәмсәдри Шаһин Мустафајев вә Азәрбајҹан хариҹи ишләр назиринин мүавини Хәләф Хәләфов илә ҝөрүшүб.
Ҝөрүшләр заманы Теһран-Бакы мүнасибәтләриндә баш верән сон инкишафлар, бирҝә игтисади комиссијанын гәрарларынын иҹрасы, ики өлкә арасында һәјата кечирилмәкдә олан лајиһәләр, Гарабағын јенидән гурулмасы вә диҝәр гаршылыглы мараг доғуран мәсәләләр мүзакирә едилиб.
Гоншулар, реҝион өлкәләри вә дост өлкәләрлә әлагәләрин ҝенишләндирилмәси Иран Ислам Республикасынын јени һөкумәтинин хариҹи сијасәтинин әсас приоритети елан едилиб.
Ҹоғрафи мөвгејинә ҝөрә Иранын гошулуғунда 15 өлкә вар. Гоншу вә реҝион өлкәләри илә мүнасибәтләрдә бүтүн игтисади, тиҹарәт, сәнаје, мәдәни вә туризм имканларынын ишә салынмасы икитәрәфли вә чохтәрәфли әлагәләрин инкишафына сәбәб олаҹаг, бу мәсәләнин реаллашмасы исә реҝионал сүлһ вә тәһлүкәсизлијин хејринәдир.
342/
27 aprel 2022 - 10:47
Xəbər kodu: 1252235
Иран хариҹи ишләр назиринин игтисади дипломатија үзрә мүавини Бакыја сәфәри заманы Азәрбајҹан Республикасынын рәсмиләри илә ҝөрүшүб вә мүхтәлиф мәсәләләри мүзакирә едиб.
